Leikskólinn og ADHD

Leikskólinn og ADHD – stuðningur, skipulag og styrkleikar

Á námskeiðinu er fjallað um skipulag námsumhverfis, notkun hagnýtra verkfæra í daglegu starfi og leiðir til að draga úr krefjandi hegðun með uppbyggilegri nálgun sem byggir á styrkleikum barnsins. Einnig er lögð sérstök áhersla á mikilvægi samvinnu, samræmdra vinnubragða og farsælla samskipta.

Aðferðirnar sem kynntar eru nýtast ekki eingöngu börnum með ADHD heldur stuðla að jákvæðu, fyrirsjáanlegu og styðjandi umhverfi fyrir öll börn.

Markmiðið er að styrkja starfsfólk leikskóla í að skapa umhverfi þar sem öll börn fá tækifæri til að dafna og blómstra.

Eftir námskeiðið munt þú meðal annars:

• hafa aukinn skilning á fjölbreytileika ADHD í leikskóla
• vera betur í stakk búin/n/ð til að skipuleggja leik- og námsumhverfi
• búa yfir hagnýtum verkfærum í daglegu starfi
• geta dregið úr krefjandi hegðun með styrkleikanálgun
• geta styrkt samstarf heimilis og leikskóla

Fyrirlesari:
Jóna Kristín Gunnarsdóttir, verkefnisstjóri fræðslumála og grunnskólakennari.