Hvatningarverðlaun ADHD samtakanna

Hvatningarverðlaun ADHD samtakanna eru viðurkenning sem stjórn ADHD samtakanna úthlutar einu sinni á ári, fyrst árið 2021. Verðlaunin má veita hverjum þeim sem með mikilsverðum hætti hefur lagt sitt af mörkum til bæta lífsgæði fólks með ADHD á Íslandi. Einstaklingar, félagasamtök, stofnanir, fyrirtæki eða hverskyns lögaðilar geta fengið Hvatningarverðlaun ADHD samtakanna. 

Handhafar Hvatningarverðlauna ADHD samtakanna:

2025: Sara Rós Kristinsdóttir hlýtur Hvatningarverðlaun ADHD samtakanna 2025 fyrir ómetanlegt framlag til fræðslu og valdeflingu fólks  með ADHD og aðstanda þeirra.

2024: Hljóðbókasafn íslands fær hvatningarverðlaun ADHD samtakanna fyrir ómetanlega þjónustu til handa börnum og fullorðnum með ADHD sem erfitt eiga með að nýta sér prentað mál.

2023: Sjónarhóll - ráðgjafamiðstöð ses. hlýtur hvatningarverðlaun ADHD samtakanna fyrir ómetanlegan stuðning við börn með ADHD og fjölskyldur þeirra í hátt í 20 ár.

2022: KFUM og KFUK - fyrir sumarbúðirnar „Gauraflokk“ og „Stelpur í stuði“ og frumkvöðlahlutverk þeirra í tómstundastarfi fyrir börn með ADHD. 

2021: Urður Njarðvík - fyrir fjölbreyttar rannsóknir hennar, fyrirlestra og fræðastörf um ADHD sem hafa aukið skilning á ADHD og unnið gegn fordómum.

 Hafir þú ábendingu um verðugan viðtakanda Hvatningarverðlauna ADHD samtkanna getur þú sent rökstudda tillögu þar um á adhd@adhd.is