Skólaumhverfið og ADHD

Skólaumhverfið og ADHD

Vefnámskeið fyrir annað starfsfólk skóla

Frímínútur, matsalur, fataklefar og færsla í og úr tímum eru oft þær aðstæður í skólaumhverfinu sem reynast nemendum með ADHD hvað mest krefjandi. Í slíkum aðstæðum geta streita, misskilningur og árekstrar auðveldlega aukist. Með auknum skilningi og réttum viðbrögðum getur starfsfólk skóla hins vegar haft afgerandi áhrif á líðan, öryggi og þátttöku nemenda.

Á þessu námskeiði verður farið yfir helstu birtingamyndir ADHD í daglegu skólastarfi og hvernig hægt er að nýta hagnýtar og gagnreyndar leiðir til að draga úr krefjandi aðstæðum, styrkja jákvæða hegðun og efla sjálfsmynd nemenda með því að byggja á styrkleikum þeirra. Einnig verður lögð áhersla á mikilvægi samskipta, samvinnu og samræmdra viðbragða allra sem koma að nemendum með ADHD.

Það sem gagnast nemendum með ADHD gagnast í flestum tilfellum öllum nemendum og stuðlar að öruggara og jákvæðara skólaumhverfi fyrir alla. Við hvetjum því allt starfsfólk innan skólakerfisins til þátttöku.

Fyrirlesari:
Jóna Kristín Gunnarsdóttir, grunnskólakennari og verkefnastjóri fræðslumála hjá ADHD samtökunum