Þátttaka barna í íþróttum og tómstundastarfi er áhrifarík leið til að verða hluti af hópi og læra tungumálið.
Bókin varpar ljósi á ADHD eins og það kemur fram á fullorðinsárum. Farið er yfir lykileinkenni og orsakir ADHD, þróun einkenna yfir æviskeiðið, birtingarmyndir og mögulega fylgikvilla, eins og kvíða og þunglyndi. Fjallað er um greiningarferli, meðhöndlun og helstu styrkleika sem fylgt geta því að vera með ADHD. Eins er greint frá leiðum til að bæta skipulag, einbeitingu, tímastjórn og minni, sem og aðferðum til að draga úr frestun. Þótt ADHD verði ekki upprætt með bókalestri má draga úr þeirri hömlun sem einkennin valda.
Höfundar eru sálfræðingar og hafa áralanga reynslu af greiningu og ráðgjöf vegna ADHD. Bára Sif Ómarsdóttir stýrir ADHD-teymi við Kvíðameðferðarstöðina. Sóley Dröfn Davíðsdóttir er yfirsálfræðingur við Kvíðameðferðarstöðina.
25% afsláttur fyrir félagsmenn ADHD samtakanna.
Verð fyrir félagsmenn: 1.493 kr.
Félagsmenn stimpla inn AFSLÁTTARKÓÐANN í lok greiðsluferils.
Ef félagsmaður er ekki með afsláttarkóðann þá getur hann sent póst á adhd@adhd.is og fengið nýjan afsláttarkóða.
Elli – Dagur í lífi drengs með ADHD er fjörug, ríkulega myndskreytt barnabók, byggð á raunverulegum atburðum í lífi níu ára íslensk drengs sem er með ADHD.
Krakkar með ADHD upplifa sig oft misskilin og fá gjarnan neikvætt viðmót þegar þau eiga erfitt með að hlýða, vera kyrr eða vinna verkefni sem þeim finnst óspennandi. Megininntak bókarinnar að gefa raunsanna innsýn í líf barna með ADHD og benda ungum jafnt sem öldnum á að það er vel hægt að líta á ADHD með jákvæðum hætti; það er hægt að „beisla“ ADHD til góðs! Bókin er 44 blaðsíður.
Höfundur og teiknari: Ari H.G. Yates.
Útgefandi: ADHD samtökin 2020.
Í handbókinni er leitast við að dýpka skilning þeirra sem starfa með
nemendum með ADHD, einkum á grunnskólastigi, og bent á leiðir
til að mæta þörfum nemenda. Bókin er tekin saman að beiðni
Samráðshóps um aðgerðaáætlun í þágu barna og ungmenna
sem starfaði á árunum 2009 til 2011 í samstarfi við velferðar-
ráðuneytið, mennta- og menningarmálaráðuneytið, fjármála-
ráðuneytið og Samband íslenskra sveitarfélaga.
Tvö fyrstnefndu ráðuneytin stóðu straum af kostnaði við fyrstu útgáfu
og var bókinni dreift endurgjaldslaust til allra grunnskóla.
Unglingar með ADHD, foreldrar þeirra og kennarar standa oft frammi fyrir miklum og
alvarlegum vanda og því þarf að leggja áherslu á að þær leiðir og aðferðir,
sem kynntar eru í bókinni eru hvorki auðveldar né fljótfarnar. Þær hafa þó sýnt sig
koma að gagni og verið staðfestar í rannsóknum.
Tilgangur bókarinnar er að reyna að svara að einhverju leyti algengum spurningum um
ADHD. Hún er skrifuð fyrir foreldra, kennara og ekki síst fyrir unglingana sjálfa.
Fjallað er um ADHD og áhrif röskunarinnar á líf unglingsins, fjölskyldu hans og nám.
Þá er lögð áhersla á samskipti unglings við foreldra, kennara og aðra fullorðna.
Fjallað er um sjálfsmynd unglinga, hegðunarvanda og þau vandamál sem oft fylgja
unglingum með ADHD heima og í skóla. Loks er bent á leiðir til að draga úr
neikvæðum áhrifum ADHD á unglinga, fjölskyldur þeirra og skólagöngu.
Höfundur tileinkar bókina starfsfólki og skjólstæðingum Meðferðarstöðvar ríkisins að Stuðlum.
Þátttaka barna í íþróttum og tómstundastarfi er áhrifarík leið til að verða hluti af hópi og læra tungumálið.
Paola Cardenas Phd og Soffía Elín Sigurðardóttir eru klínískir barnasálfræðingar á Íslandi og jafnframt höfundar Súperbókanna. Soffía og Paola vita hversu mikilvægt er að börn tileinki sér viðfangsefnin, sem tekin eru fyrir í bókunum, snemma á lífsleiðinni, því forvarnir og snemmtæk íhlutun bæta lífsgæði, velferð og framtíðarhorfur barna.
Súper Vitrænn
Nói er ævintýragjarn og sniðugur drengur. Hann er stundum feiminn og finnur fyrir kvíða þegar hann er í kringum aðra krakka. Með aðferðum hugrænnar atferlismeðferðar (HAM) líður Nóa betur og lærir gagnlegar leiðir til þess að takast á við kvíða og auka félagsfærni. Höfundar bókarinnar, Paola Cardenas og Soffía Elín Sigurðardóttir eru sálfræðingar með margra ára reynslu af meðferðarvinnu með börnum, unglingum og fjölskyldum þeirra.
Hér er komið framhald af metsölubókinni Bannað að eyðileggja sem sló í gegn í fyrra. Til viðbótar við litríka og fjöruga fjölskylduna eiga Alexander og Sóley nú í höggi við harðsvíraðan eineltispúka og alvöru glæpamann! Fyrir utan ADHD-ið, en það er nú bara hjálplegt, til dæmis þegar Alexander þarf að bjarga mannslífum.
Gunnar Helgason er fæddur 24. nóvember 1965. Hann er leikari, leikstjóri, dagskrárgerðarmaður fyrir sjónvarp og rithöfundur. Fyrsta bók hans, Goggi og Grjóni, kom út árið 1992 og síðan hefur Gunnar skrifað fjölmargar barnabækur, þar á meðal geysivinsælar bækur um fótboltastrákinn Jón Jónsson. Hann fékk Vorvindaverðlaun IBBY árið 2013 fyrir fótboltabækur sínar og sama ár hlaut hann Bókaverðlaun barnanna fyrir Aukaspyrna á Akureyri (2012).
Gunnar hlaut Íslensku bókmenntaverðlaunin 2015 í flokki barna- og ungmennabóka fyrir bók sína Mamma klikk.
20% Afsláttur fyrir félagsfólk
Félagsmenn stimpla inn AFSLÁTTARKÓÐANN í lok greiðsluferils.
Ef félagsmaður er ekki með afsláttarkóðann þá getur hann sent póst á adhd@adhd.is og fengið nýjan afsláttarkóða.
Súper Vitrænn
Paola Cardenas og Soffía Elín Sigurðardóttir
Tristan er tilfinningaríkur drengur sem fær stundum óþægilegar hugsanir og verður þá dapur. Með aðstoð frá Súper Vitrænum lærir hann hvernig hugsanir, tilfinningar og hegðun hafa áhrif á hvort annað.
Höfundar bókarinnar eru sálfræðingar með margra ára reynslu af meðferðarvinnu með börnum, unglingum og fjölskyldum þeirra.
Súper Viðstödd
Paola Cardenas og Soffía Elín Sigurðardóttir
Klara er fjörug og uppátækjasöm stúlka. Hún á stundum erfitt með að einbeita sér og truflast auðveldlega. Með aðstoð frá Súper Vitrænni og afa sínum lærir Klara að nota núvitundaræfingar og jóga til að róa hugann og fær um leið útrás fyrir hreyfiþörfina.
Höfundar bókarinnar eru sálfræðingar með margra ára reynslu af meðferðarvinnu með börnum, unglingum og fjölskyldum þeirra.
Alexander Daníel Hermann Dawidsson er með ADHD en það er allt í lagi – nema þegar lífið tekur upp á því að fara á hvolf. Bannað að eyðileggja er spennandi saga um Alexander og Sóleyju bekkjarsystur hans, litríku fjölskyldurnar þeirra, mömmuna sem er farin og kennarann sem ætti ekki að fá að vinna með börnum. Áhrifamikil bók eftir Gunnar Helgason, einn ástsælasta barnabókahöfund landsins.
Gunnar Helgason er fæddur 24. nóvember 1965. Hann er leikari, leikstjóri, dagskrárgerðarmaður fyrir sjónvarp og rithöfundur. Fyrsta bók hans, Goggi og Grjóni, kom út árið 1992 og síðan hefur Gunnar skrifað fjölmargar barnabækur, þar á meðal geysivinsælar bækur um fótboltastrákinn Jón Jónsson. Hann fékk Vorvindaverðlaun IBBY árið 2013 fyrir fótboltabækur sínar og sama ár hlaut hann Bókaverðlaun barnanna fyrir Aukaspyrna á Akureyri (2012).
Gunnar hlaut Íslensku bókmenntaverðlaunin 2015 í flokki barna- og ungmennabóka fyrir bók sína Mamma klikk.
Ef þú ert fær í að skipuleggja og gera áætlanir gengur allt betur í lífinu. Og vittu til – þessi færni hjálpar þér líka við að ná markmiðum þínum! Bókin er full af dæmum, verkefnum og ýmsu skemmtilegu og getur hjálpað þér að:
Skipuleggja verkefni … og margt fleira
Í Lærðu að skipuleggja og gera áætlanir er líka talað sérstaklega við foreldra og þeim gefnar ráðleggingar.
Býr barnið þitt við ótta og kvíða sem hefur áhrif á hegðun þess eða heldur vöku fyrir því á nóttunni?
Kvíðaraskanir eru algengasti tilfinninga- eða hegðunarvandi sem greinist hjá börnum og talið er að um fimmtán prósent barna eigi í erfiðleikum vegna kvíða. Ef ekkert er að gert getur þessi vandi valdið alvarlegri vandamálum, svo sem skólaforðun og vinaleysi auk kvíða og depurðar til lengri tíma.
Þessi gagnlega handbók er skrifuð af leiðandi sérfræðingum á sviði kvíðaraskana barna. Bókin mun hjálpa foreldrum og öðrum sem sinna börnum að skilja hvað veldur kvíða barnsins og að fylgja hagnýtum skref-fyrir-skref leiðbeiningum til að hjálpa barninu að sigrast á kvíðanum.
Þessi krakkavinnubók er ætluð til nota ásamt bókinni Ráð handa kvíðnum krökkum – Fyrir fjölskyldur barna og unglinga sem glíma við kvíða.
Vinnubókin inniheldur texta og myndir sem henta börnum og gera þeim kleift að taka virkan þátt í vinnunni.
Auk þess eru í henni vinnublöð sem leiða börn áfram við að læra aðferðirnar og æfa færni sína í kvíðastjórn.
Hér er á ferðinni verkefnabók sem byggir á bókinni "Hámarksárangur í námi með ADHD" sem kom út árið 2008. Í verkefnabókinni eru fjölmörg hagnýt
verkefni sem sett eru fram til þess að nemandinn öðlist góða þekkingu á eigin birtingarmynd ADHD, persónuleika sínum og styrkleikum.
Auk þess eru verkefnin í bókinni til þess ætluð að nemendur geti sett sér markmið, gert áætlanir og metið eigin stöðu á marvíslegan hátt.
MEð bókinni er reynt að skerpa enn frekar á mikilvægi þess að einstaklingar með ADHD tileinki sér námstækni sem hentar þeim sérstaklega.
Þessi bók er skrifuð um nám og námstækni fyrir einstaklinga með ADHD.
Hvernig þeir geta öðlast meiri skilning á því hvernig ADHD hefur áhrif
á nám þeirra og hvernig rétt námstækni getur hjálpað þeim í námi,
leik og starfi. Þetta er fyrsta námstæknibókin sem skrifuð er á íslensku
sem er sérstaklega ætluð nemendum með ADHD.
Einnig hefur verið gefin út verkefnabók sem nýtist vel með bókinni - sjá hér.
Höfundarnir, þær Sigrún Harðardóttir og Tinna Halldórsdóttir, hafa unnið
að þróun stuðningsúrræða fyrir nemendur með ADHD og aðrar sértækar
námsraskanir innan framhaldsskóla.
Ofvirknibókin fjallar um athyglisbrest með ofvirkni (AMO),þá erfiðleika sem börn
með AMO eiga við að etja og leiðbeinir um viðbrögð og viðmót fullorðinna.
Mörgum finnst auðveldara að tíunda óæskilega hegðun barna með AMO og koma
ekki auga á kosti þeirra.....Við bestu aðstæður.....eru þau yfirleitt mjög skemmtileg,
ófeimin, einlæg, hreinskilin, fróðleiksfús, útsjónarsöm, hugmyndarík og sjálfstæð.
Þau hugsa um margt sem jafnaldrarnir velta lítið fyrir sér....þau hafa kímnigáfu og
geta tekið spaugi, ....eru... meðvituð um vanda sinn og....það er fróðlegt
og lærdómsríkt að fá ráð þeirra um það hvernig kennarinn - og aðrir - ættu að
umgangast "okkur sem eigum í svona miklum erfiðleikum".
Markmiðið með Ofvirknibókinni er að auka þekkingu og skilning á heimi
einstaklingsins sem hefur AMO svo að honum verði lífið bærilegra, hann nái að
öðlast réttmæta trú á sjálfan sig og læri að meta sína fjölmörgu, frábæru kosti.