Sjálfsstyrkingarnámskeið fyrir stúlkur með ADHD

Skráning er hafin á GPS námskeið ADHD samtakanna fyrir stúlkur með ADHD, á aldrinum 13-16 ára (8. til 10. bekk). GPS stendur fyrir "Gagnleg, persónuleg stjórntæki" og um er að ræða praktískt sjálfsstyrkingarnámskeið, sérsniðið að þessum hópi. Aðeins er gert ráð fyrir 10 stúlkum á námskeiðinu og verður vel hlúð að hverri og einni.

Námskeiðið hefst laugardaginn 2. febrúar nk. en foreldrakynning verður miðvikudaginn 30. janúar. Námskeiðið er haldið í sal ADHD að Háaleitisbraut 13 í Reykjavík.

Námskeiðsgjald er kr. 34.500,- en félagsmenn ADHD samtakanna fá kr. 5.000,- endurgreiddar (ef einhver á heimilinu er í samtökunum). 

Aðeins 10 pláss - skráning opin!

Á námskeiðinu verður farið yfir eftirfarandi þætti:

• Almenn fræðsla um ADHD

• Lærðu að þekkja þitt ADHD

• Skipulagning, námstækni og námsaðferðir

• Félagsfærni

• Kynvitund

• Lífsstíll

• Áhættuhegðun

• Ábyrgð og stuðningur

Námskeiðið spannar 8 skipti, 2 x 4 klst. og 6 x 2 klst. auk 2 klst. kynningar fyrir foreldra í upphafi.

Tveir umsjónarmenn verða með námskeiðinu, Dr. Drífa Björk Guðmundsdóttir, sálfræðingur og Elín Hinriksdóttir, sérkennari, auk gestafyrirlesara. 

Dagskrá GPS-námskeiðs fyrir 13-16 ára stúlkur hefst með foreldrakynningu fimmtudaginn 30. janúar nk. og lýkur þriðjudaginn 26. mars 2019.

 Skráning er opin hér - aðeins 10 sæti laus!