ADHD Í BEINNI tekur við af ADHD í beinni. Við munum streyma fræðslufundum inn á nýju síðuna og hvetjum alla til að sækja um aðgang að henni. Streymið er eingöngu fyrir skuldlaust félagsfólk og því minnum við ykkur á að ganga frá árgjaldinu eða ganga í samtökin áður en þið sækið um aðild. Setja þarf kennitölu þess sem er skráður í samtökin sem svar við spurningu. Nýju grúppuna hægt að finna hér.

Þátttakendur á Aðstandendanámskeiði fá frían aðgang að Kiddo í mánuð. Á námskeiðinu verður boðið upp á aðstoð við að setja appið upp fyrir hvern og einn. Kiddo er fjölskylduapp sem hjálpar börnum að fylgja rútínum, klára verkefni og vera stolt af framförum sínum KIDDO er app fyrir spjaldtölvur, Ipad og Android https://kiddo.kids

ADHD samtökin í samvinnu við Sjónarhól ráðgjafarmiðstöð halda áfram með foreldrahóp fyrir foreldra, forráðafólk og aðstandendur barna með ADHD, Saman í gegnum ADHD.

Á þessum fræðslufundi verður fjallað um mikilvægi jafningjastuðnings og jafningjafræðslu fyrir foreldra og aðstandendur barna með ADHD. Hvernig getur það hjálpað að hitta aðra sem deila svipaðri reynslu? Hvers vegna skiptir máli að vita að aðrir hafa gengið í gegnum það sama og fundið leiðir sem virka? Við ræðum stöðu ADHD-fjölskyldna á Íslandi í dag, förum yfir góðar leiðir til að vinna með foreldrastreitu og kynnum þau úrræði sem ADHD samtökin og Sjónarhóll bjóða upp á.

ADHD samtökin vekja athygli á stuttmyndinni Iceland Living sem sýnd verður á RUV næstkomandi sunnudag kl. 20:45 í tilefni af gulum september. Framleiðendur myndarinnar eru Atli Óskar Fjalarson og Viktor Sigurjónsson en ADHD samtökin voru einn af styrktaraðilum stuttmyndarinnar.

Undanfarin hálft sjöunda ár, allt frá gildistöku nýrra umferðarlaga árið 2020, hefur fólk með ADHD og aðrir viðkvæmir hópar sem nota ýmis lyf samhvæmt ávísunum lækna, búið við réttaróöryggi vegma laganna og framkvæmd þeirra. Tugir einstaklinga hafa orðið fyrir verulegum óþægindum vegna þessa, fjárhagstjóni og jafnvel misst ökuréttindin af ósekju. Helsu ástæður þessa eru vankantar á Umferðarlögum nr. 77/2019 og ekki síður skortur á reglugerð varðandi framkvæmd laganna. ADHD samtökin fagna að fyrst nú sé loks einhver hreyfing komin á málið með drögum að reglugerð, en benda jafnframt, á í formlegri umsögn sinni um drögin, að þar sé alls ekki gengið nægilega langt. Umrædd reglugerð leysi einungis hluta vandans, sem umferðarlögin er tóku gildi 2020 ollu fólki með ADHD og fleirum. Taka verði á fyrrnefndu óréttlæti og réttaróöryggi heilstætt og án tafa. Hér má sjá nýja umsögn ADHD samtakanna um reglugerðardrögin sem og tillögur samtakanna frá árinu 2023.