Þú ert númer 1250 í röðinni... Málþing á morgun

Við minnum á málþing samtakanna Þú ert númer 1250 í röðinni... sem er haldið á Grand Hótel á morgun frá kl. 13:00-16:00. Hægt er að skrá sig á málþingið hér að neðan en einnig er hægt að mæta og greiða fundargjald á staðnum.

Fræðslufundur um innleiðingu Vestmannaeyjabæjar á nýjum farsældarlögum

Þann 1. janúar 2022 tóku í gildi ný lög um samþættingu þjónustu í þágu farsældar barna. Meginmarkmið laganna er að búa til umgjörð sem stuðlar að því að börn og foreldrar sem á þurfa að halda hafi aðgang að samþættri þjónustu við hæfi án hindrana. Með lögum þessum er fjölskyldum og börnum sem þurfa snemmtækan stuðning tryggður aðgangur að sérstökum tengilið eða málastjóra í nærumhverfi barnsins, gert er ráð fyrir að börn og fjölskyldur geti snúið sér til tengiliðar eða málstjóra sem leiði málið áfram. Aðgangur að tengilið og málstjóra er tryggður strax frá fæðingu barns og þar til barn er 18 ára. Vestmannaeyjabær hefur unnið að innleiðingu laganna og er eitt af fjórum frumkvöðlasveitarfélögum landsins og því komið vel af stað með innleiðinguna. Á þessum fyrsta spjallfundi vetrarins mun Silja Rós Guðjónsdóttir yfirfélagsráðgjafi segja okkur allt um þessi nýju lög og hvernig unnið er eftir þeim. Fundurinn verður mánudaginn 24. október klukkan 19.30 í fundarherbergi íþróttamiðstöðvarinnar.

TÍA - námskeið um Tómstundir, Íþróttir og ADHD

TÍA - tómstundir, íþróttir og ADHD er námskeið ADHD samtakanna fyrir þjálfara, tómstundafulltrúa og aðra sem koma að skipulögðu íþrótta- og tómstundastarfi barna, með sérstakri áherslu á þátttöku barna með ADHD. Skráning er hafin en námskeiðið verður haldið í tveimur hlutum 5. og 26. nóvember. Námskeiðið er í höndum reynslumikilla fagaðila á sviðinu. Það eru þau Jakob Frímann Þorsteinsson, MA í náms- og kennslufræðum, Vanda Sigurgeirsdóttir MA í uppeldis- og menntunarfræðum og Bóas Valdórsson klínískur sálfræðingur sem hafa veg og vanda að námskeiðinu. Vanda og Jakob starfa við HÍ og hjá KVAN og Bóas starfar sem sálfræðingur við MH.

Fræðslufundur á Hvanneyri

Fræðsla fyrir aðstandendur og fólk sem umgengst og vinnur með börnum með ADHD. Hvað er ADHD og hvernig birtist það. Sífellt fleiri fá ADHD greiningu og skilningur er sterkasta vopnið okkar til að bæta líðan og sjálfsmynd þeirra. Jóna Kristín Gunnarsdóttir grunnskólakennari, kennslu- og hegðunarráðgjafi ræðir um hvernig við getum stutt við og kennt okkur, börnunum, eða nánum fjölskyldumeðlimum að finna sína styrkleika og byggja upp sterka sjálfsmynd. Samskipti heimilis og skóla, heimanám og skipulag eftir að heim er komið eru þættir sem tæpt er á. Þessi fræðsla er fyrir alla og mikilvægt að muna að oft eru vinir barna okkar með ADHD og við því partur af umhverfi þeirra. Fundurinn fer fram mánudaginn 24. október, klukkan 17:30 í húsakynnum Grunnskólans á Hvanneyri.

Áfram veginn - Fjarnámskeið fyrir fullorðna með ADHD

Nú eru síðustu forvöð til þess að skrá sig á Áfram veginn. Áfram veginn er fjarnámskeið fyrir fullorðna með ADHD. Námskeið sem leggur áherslu á styrkleika ADHD. Unnið er að því að auka skilning hvers og eins á sínu ADHD, hvernig hægt er að auka stjórn og lífsgæði í daglegu lífi. Námskeiðið fer fram í gegnum fjarfundarbúnaðinn ZOOM laugardagana 5. og 12. nóvember 2022 frá klukkan 11. til 13. báða daganna.

ADHD og konur - Opinn spjallfundur í Grófinni

ADHD og konur - Opinn spjallfundur í Grófinni, Hafnarstræti 95, 4 hæð, 24. október kl. 17:00. Sigrún Jónsdóttir, ADHD markþjálfi, námskeiðahaldari og stjórnarkona í ADHD samtökunum ætlar að koma og fræða okkur um ADHD og konur sem er hennar hugðarefni. Gríðarlegur fjöldi kvenna hefur ekki fengið greiningu á ADHD og er það ein af ástæðunum fyrir því að þær eru einn stærsti hópurinn sem tekst á við kulnun í dag. Hvað er til ráða og hvar á að byrja. Allir eru velkomnir, félagsmenn sem aðrir. Það verður heitt á könnunni og að sjálfsögðu kostar ekkert að taka þátt. Skráðu þig á Facebook á viðburð spjallfundarins og fáðu áminningu. Fjölmennum, fræðumst og skiptumst á reynslusögum og skoðunum um líf með ADHD. Hlökkum til að sjá ykkur sem flestar! ADHD Norðurland

Fræðslufundur á Grundarfirði

Fræðsla fyrir aðstandendur Hvað er ADHD og hvernig birtist það. Sífellt fleiri fá ADHD greiningu og skilningur er sterkasta vopnið okkar til að bæta líðan og sjálfsmynd þeirra. Jóna Kristín Gunnarasdóttir grunnskólakennari, kennslu- og hegðunarráðgjafi ræðir um hvernig við getum stutt við og kennt okkur, börnunum, eða nánum fjölskyldumeðlimum að finna sýna styrkleika og byggja upp sterka sjálfsmynd.

ADHD - greining, meðferð og lyf bjarga lífum!

Október er alþjóðlegur vitundarmánuður fólks með ADHD og munu ADHD samtökin standa fyrir fjölbreyttum viðburðum til að vekja athygli á málefnum fólks með ADHD. Í ár verður athyglinni sérstaklega beint að mikilvægi greininga, meðferðar og lyfja fyrir fólk með ADHD og því ófremdarástand sem í þeim málum ríkir hér á landi, en biðtími eftir þessari mikilvægu þjónustu er um tvö ár. Með bréfi þessu viljum við vekja athygli þína á áherslum ADHD samtakanna og bjóða þér á málþing samtakanna þann 27. okt - þú ert númer 1250 í röðinni...

Þú ert númer 1250 í röðinni... Málþing ADHD samtakanna.

Þú ert númer 1250 í röðinni... Opið málþing ADHD samtakanna um afleiðingar ómeðhöndlaðs ADHD, biðlista og samfélagslegan kostnað, fimmtudaginn 27. október kl 13:00 á Grand hotel.

Fræðslufundur í Þorlákshöfn um ADHD og lyf

Fræðslufundur í þorlákshöfn um ADHD og lyf. Mikil umræða hefur verið um notkun lyfja og ADHD á liðnum misserum og víða má greina fordóma og vanþekkingu um þessi mál. Á fundinum verður farið yfir virkni helstu lyfja sem notuð eru vegna ADHD, rætt um mögulegar aukaverkanir og reynt að svara helstu spurningum sem brenna á vörum fundargesta. Skráðu þig á Facebook viðburð spjallfundarins og fáðu áminningu: https://www.facebook.com/events/1299503754186671/?ref=newsfeed