Gleðileg jól og farsælt nýtt ár!

ADHD samtökin óska félagsmönnum sínum, samstarfsaðilum og landsmönnum öllum, gleðilegra jóla og farsældar á nýju ári. Samtökin þakka af heilum hug fyrir samfylgd og veittan stuðning á árinu sem er að líða. Skrifstofa ADHD samtakanna verður að mestu lokuð yfir hátíðarnar og pantanir í vefverslun samtakanna verða afgreiddar á fyrstu dögum nýs árs. Hátíðarkveðjur!

Jólin eru komin í vefverslun ADHD samtakanna

Vefverslun ADHD samtakanna hefur tekið stakkaskptum og er tilbúin fyrir jólin og jólasveinana... Nýjar vörur í miklu úrvali, fiktdót, bækur, skart, leikföng, listaverk og ýmiskonar smávara. Veglegir afslættir fyrir félagsmenn ADHD samtakanna. Sendum hvert á land sem er.

ADHD og jólin - rafrænn spjallfundur

Þá er komið að seinasta ADHD spjallfundi ársins hjá samtökunum og fer hann í loftið í kvöld þann 9. desember nk. kl. 20:30. Fjallað verður um undirbúning jóla og ADHD og mun Dr. Drífa Björk Guðmundsdóttir sálfræðingur fjalla um hvernig ýmislegt í jólaundirbúningnum og þeim spenningi sem fylgir jólunum getur valdið streitu og erfiðleikum hjá börnum og fullorðnu fólki með ADHD. Gefin verða góð ráð um hvernig hægt er að bregðast við breyttri rútínu fjölskyldunnar í jólafríinu. Jólin eru enda hátíð gleði og eiga að vera það hjá fólki með ADHD einnig ekki síður en öðrum. Fyrirlesturinn fer á heimasíðu ADHD samtakanna vegna COVID faraldursins og verður honum einnig streymt á lokað svæði skuldlausra félagsmanna ADHD samtakanna á Facebook, ADHD í beinni.

Lífið með ADHD - Hildur Kristín Stefánsdóttir tónlistarkona í viðtali.

Í nýjasta þættinum af Lífið með ADHD mætir Hildur Kristín Stefánsdóttir tónlistarkona, sem hefur verið áberandi í íslensku tónlistarlífi síðustu árin. Lífið með ADHD er hlaðvarp ADHD samtakanna, sem reglulega mun birta viðtalsþætti á ruv.is og í öllum helstu hlaðvarpsveitum.

Ný íslensk barnabók; Elli - Dagur í lífi drengs með ADHD.

Elli – Dagur í lífi drengs með ADHD er ný íslensk barnabók, ríkulega myndskreytt, fjörug og byggð á raunverulegum atburðum í lífi níu ára íslensk drengs sem er með ADHD. Útgefandi er ADHD samtökin en höfundur og teiknari er Ari H.G. Yates en bókina vann hann í samstarfi við Elías Bjarnar Baldursson, þegar Elías var 9 ára gamall.

Fjarfundar fræðslunámskeið fyrir aðstandendur 13-18 ára barna með ADHD

Enn er hægt að skrá sig á fræðslunámskeið fyrir aðstandendur 13-18 ára barna með ADHD sem verður haldið 21. og 28. nóvember næstkomandi. Námskeiðið verður haldið í gegnum fjarfundarbúnað og ef COVID aðstæður leyfa, í húsnæði ADHD samtakanna, Háaleitisbraut 13 í Reykjavík. Vinsamlegast sendið áfram til þeirra sem málið varðar.

Hvað er ADHD? Ný kynningarmyndbönd ADHD samtakanna.

Hvað er ADHD? Í tilefni af alþjóðlegum vitundarmánuði fólks með ADHD birta ADHD samtökin ný kynningarmyndbönd, þar sem leitast verður við að svara þessari spurningu og mörgum öðrum, tengdum ADHD. Fólk með ADHD og sérfræðingar miðla af reynslu sinni og þekkingu og vonandi verða áhorfendur margs vísari.

Nýtt endurskinsmerki afhent ráðherra.

Október er alþjóðlegur vitundarmánuður fólks með ADHD. Til að marka upphaf vitundarmánaðarins afhenti framkvæmdastjóri ADHD samtakanna, Hrannar Björn Arnarsson, Félags- og barnamálaráðherra , Ásmundi Einari Daðasyni, fyrsta endurskinsmerki ADHD samtakanna árið 2020. Endurskinsmerkið verður selt víða um land næstu vikur. Takið vel á móti sölufólki samtakanna - athygli - já takk!

Sölufólk óskast - endurskinsmerki ADHD samtakanna 2020

Dagana 3-17 október fer fram árleg sala ADHD samtakanna á endurskinsmerki Hugleiks Dagssonar. ADHD samtökin óska eftir áhugasömu sölufólki um allt land til að taka þátt í þessari mikilvægu fjáröflun samtakanna - góð sölulaun í boði.

ADHD og skólastarf á tímum COVID - spjallfundur á Akureyri

ADHD Norðurland heldur opinn spjallfund um ADHD og skólastarf á tímum COVID, á morgun þriðjudaginn 29. september kl. 16:30. Fundurinn er ætlaður fólki með ADHD, starfsfólki skóla og aðstandendum barna með ADHD. Fjölmennum og tökum gesti.