Tvær nýjar bækur í ADHD bókaflóruna

Við vorum að taka á móti tveimur nýjum bókum í bókaflóruna hjá okkur. Bækurnar Súper Viðstödd og Súper Vitrænn eru eftir barnasálfræðingana Soffíu Elínu Sigurðardóttur og Paolu Cardenas en þær eru fyrstu barnabækurnar í seríunni um Súperstyrkina sem eru sex talsins. Hver Súperstyrkur hjálpar börnum að öðlast ákveðna færni sem styrkja sjálfsmynd þeirra. Súper bækurnar miðla sálfræðiþekkingu til barna og uppalendur á skemmtilegan hátt þar sem leitast er við að efla sjálfsþekkingu þeirra, bjargráð og að virkja innri styrk.

Lifið með ADHD - Glowie

Sara Pétursdóttir, betur þekkt undir listamannanafninu Glowie settist niður með Bóas Valdórssyni og ræddu hennar reynslu af því að alast upp með ADHD. Glowie gaf út í síðastliðnum mánuði nýtt lag og myndband sem hún tileinkaði ADHD sem hún kallar sinn ofurkraft. Ekki nóg með að hafa búið til þetta lag þá leikstýrði hún einnig myndbandinu sjálf auk þess að skrifa grein í tónlistartímaritið Clash Magazine og búa til myndasögu um sína reynslu.

Alexander Daníel Hermann Dawidsson: Bannað að eyðileggja

Nýjasta bók barnabókahöfundarins Gunnars Helgasonar, Alexander Daníel Hermann Dawidsson: Bannað að eyðileggja var að koma út og hún fjallar á bráðskemmtilegan, spennandi og hjartnæman hátt um hvernig það er að vera með barn með ADHD. Sagan fjallar Alexander og Sóleyju bekkjarsystur hans, litríku fjölskyldurnar þeirra, mömmuna sem er farin og kennarann sem ætti ekki að fá að vinna með börnum.

Fræðslufundir samtakanna fall niður út nóvember.

Spjallfundir falla niður út nóvember, allt landið.

Lífið á eyjunni

Lífið á eyjunni – framleidd af þeim Atla Óskari Fjalarssyni leikara og Viktori Sigurjónssyni kvikmyndagerðarmanni hlaut nýverið verðlaun á Innocenti kvikmyndahátíðinni en hátíðin sem er á vegum UNICEF, er ætlað að varpa ljósi á kvikmyndir sem fjalla um líf og upplifanir barna í heiminum.

Fræðslunámskeið fyrir aðstandendur unglinga með ADHD verður haldið laugardagana 6. & 13. nóvember 2021

SKRÁNING STENDUR YFIR á hið sívinsæla fræðslunámskeið fyrir aðstandendur unglinga með ADHD. Námskeiðið verður haldið í húsnæði ADHD samtakanna, Háaleitisbraut 13, 4. hæð, Reykjavík laugardagana 6. nóvember og 13. nóvember 2021 (sjá skipulag hér fyrir neðan).

Fyrstu hvatningarverðlaun ADHD Samtakanna

Á málþingi ADHD samtakanna, sem ber undirskriftina Orkuboltar og íþróttir, voru veitt fyrstu hvatningarverðlaun samtakanna en handhafi þeirra er Urður Njarðvík, prófessor við Háskóla Íslands. Urður lauk BA-prófi í sálfræði frá Háskóla Íslands 1993, meistaragráðu í klínískri barnasálfræði við Louisiana State University 1997 og doktorsprófi frá sama skóla árið 2000. Hún lauk jafnframt kandidatsári í klínískri barnasálfræði frá Johns Hopkins University Medical School árið 2000.

Ný bók um stýrifærni krakka með ADHD

Lærðu að skipuleggja og gera áætlanir - Þjálfun í stýrifærni fyrir krakka með ADHD, er nýjasta bókin í Lærðu að bókaröðinni, eftir klíníska sálfræðinginn Kathleen G. Nadeau en áður hafa komið út á Íslensku bækurnar; Lærðu að láta þér líða vel og vera í jafnvægi og Lærðu að hægja á og fylgjast með. Kathleen er alþjóðlega þekktur höfundur og fræðimanneskja á sviði ADHD og sannarlega fengur að fá að aðra bók frá henni en þessi bók er sem fyrr þýdd af Gyðu Haraldsdóttur. Bókina má fá í vefverslun ADHD samtakanna

Orkuboltar og íþróttir – Málþing ADHD samtakanna

Október er alþjóðlegur ADHD vitundarmánuður en tilgangur hans er að vekja athygli á aðstæðum einstaklinga með ADHD. Í tilefni þess standa ADHD samtökin fyrir málþingi er nefnist „Orkuboltar og íþróttir“ sem haldið er næstkomandi föstudag, 29. október. Kl. 13:00-16:00. Málþinginu er ætlað að varpa ljósi á stöðu einstaklinga með ADHD í íþrótta- og tómstundastarfi. Á málþinginu verða kynntar ýmsar nýjar leiðir sem farnar hafa verið í nálgun og vinnu með börnum með ADHD.

Brautryðjandi kvaddur

Það var um 1990 að Páll hóf leit að úrræðum fyrir ákveðinn hóp barna sem komu ítrekað aftur á Barna- og unglingageðdeild eftir útskrift þaðan. Það bar þann árangur að hann hófst handa við að fá með sér samstilltan hóp fagfólks til að kynna sér nýjar leiðir í greiningu og meðferð þessara barna, sem í fyrstu voru kölluð ofvirk. Unnið var samkvæmt stöðlum aðferðum og mikil áhersla lögð á stuðning og fræðslu við foreldra. Hópurinn, þróaði námskeið um ADHD og meðal annars var hafið skipulegt samstarf við Foreldrafélag misþroska barna og síðan ADHD samtökin.