Greiðslur einstaklinga vegna lyfjakaupa lækka frá og með 1. janúar 2015. Hámarksgreiðsla einstaklings á 12 mánaða tímabili verður 62.000 krónur en var 69.416 krónur. Hámarksgreiðsla aldraðra 67 ára og eldri, örorkulífeyrisþega, barna og ungmenna yngri en 22 ára á 12 mánaða tímabili verður 41.000 krónur en var 46.277 krónur.

Árleg ráðstefna Barna- og unglingageðdeildar LSH, BUGL, verður haldin föstudaginn 9. janúar 2015 kl. 08:00-16:00 á Grand Hótel Reykjavík. Yfirskrift ráðstefnunnar er "Þeytispjöld og þrumuský - Erfið hegðun barna". Fundarstjóri er Ragna Kristmundsdóttir.

ADHD samtökin bjóða í janúar upp á GPS-námskeið, sjálfsstyrkingarnámskeið fyrir drengi, 13-16 ára, GPS sem stendur fyrir Gagnleg, persónuleg stjórntæki. Gert er ráð fyrir 10 þátttakendum á hvert námskeið. GPS námskeiðið fyrir drengi hefst 17. janúar 2015. FULLBÓKAÐ ER Á NÁMSKEIÐIÐ.

Skrifstofa ADHD samtakanna er lokuð í dag vegna veðurs. Opnum aftur á morgun, miðvikudag klukkan 13:00.

Af óviðráðanlegum orsökum fellur niður spjallfundurinn, sem fyrirhugaður var á morgun, miðvikudag 10. desember. Spjallfundir hefjast í byrjun nýs árs og verða auglýstir á vefsíðu samtakanna.

Spjallfundur fyrir fullorðna með ADHD verður haldinn nú á miðvikudag, 10. desember. Umræðuefnið er ADHD aðventan og jólin.

ADHD aðventan og jólin verður umræðuefni spjallfundarins miðvikudagskvöldið 3. desember að Háaleitisbraut 13, fjórðu hæð, klukkan 20.30. Allir velkomnir í kaffi og notalegt spjall!

Náum áttum, opinn samstarfshópur um fræðslu- og forvarnamál efnir til morgunverðarfundar á Grand Hóteli, miðvikudagin 26. nóvember undir yfirskriftinni "Eru jólin hátíð allra barna? - velferð, vernd, virkni og virðing. Þar verður sjónum beint að aðventu og jólum, áfengisneyslu um jól, markaðssetningu jólanna og ólíkum fjölskyldugerðum.

Á ráðstefnu ÖBÍ á dögunum var nýtt myndband um SRFF kynnt. Myndbandið fjallar um samning Sameinuðu þjóðanna um réttindi fatlaðs fólks (SRFF) og hvernig hann er leiðarvísir að því hvernig tryggja skal fötluðu fólki mannréttindi og tækifæri til jafns við aðra í lífinu.

Munið eftir spjallfundinum fyrir fullorðna 19. nóvember klukkan 20.30 á Háaleitisbraut 13 á fjórðu hæð.