Gefum ADHD teyminu framhaldslíf

Fullyrða má að greining og meðhöndlun ADHD hjá fullorðnum snúist um almannaheill og lýðheilsu, að ógleymdum þeim fjárhagslega ávinningi sem skapast. Með tiltölulega einföldum úrræðum má veita þá aðstoð og þær bjargir sem fullorðnir með ADHD þurfa á að halda. Á dögunum bárust þær fregnir að ekki yrði framhald á starfsemi ADHD-teymis Landspítalans þar sem ekki er gert ráð fyrir fjármunum til teymisins í fjárlagafrumvarpi 2015. Þetta eru váleg tíðindi þar sem árangur teymisins er ótvíræður.

Fréttablað ADHD með Fréttatímanum

Fréttablað ADHD samtakanna fylgir Fréttatímanum í dag en í því er að finna áhugaverðar greinar og viðtöl. Meðal efnis er opnuviðtal við Mæju; Maríu Sif Daníelsdóttur og Guðmund Elías Knudsen, sem bæði hafa kynnst ADHD, hvort frá sinni hlið. Þá er umfjöllun um rannsókn á eftirfylgni í meðferð hjá fullorðnum og grein um þjónustu Þroska- og hegðunarstöðvar.

Námskeið í markmiðasetningu

Þekkingarmiðstöð Sjálfsbjargar heldur frítt námskeið í markmiðasetningu í október. Katrín Björk, sálfræðingur og starfsmaður Þekkingarmiðstöðvar, mun halda námskeiðið. Á námskeiðinu verður farið yfir helstu atriðin í markmiðasetningu, m.a. hvernig hægt er að setja sér gott markmið og unnið markvisst að því að ná því.

Hver króna skilar sér margfalt til baka

Hver króna sem varið er í að greina og meðhöndla ADHD hjá fullorðnum, skilar sér margfalt til baka á nær öllum sviðum samfélagsins, segir Ari Tuckman, prófessor í sálfræði. Ari segir mikilvægt að greina og meðhöndla ADHD hjá fullorðnum. Það geti reynst samfélaginu mjög kostnaðarsamt ef ekkert er að gert.

Spjallfundur á morgun - miðvikudag 15. október

Við minnum á spjallfundinn fyrir fullorðna á morgun, miðvikudag 15. október. Elín Hoe Hinriksdóttir, sérkennari og formaður ADHD samtakanna leiðir fundinn en yfirskrift hans er "Að eiga maka með ADHD". Fundurinn verður að Háaleitisbraut 13 - 4.hæð og hefst klukkan 20:30. Allir velkomnir í kaffi og notalega stund án endurgjalds.

Láttu verkin tala - Málþing 24. október

ADHD samtökin efna til málþings um ADHD og fullorðna, föstudaginn 24. október 2014 á Reykjavík Natura Icelandair Hotels. Yfirskrift málþingsins er "Láttu verkin tala" og hefst það klukkan 12:30 og stendur til kl. 17:00.

Spurt um ADHD-teymið á Alþingi

Sigríður Ingibjörg Ingadóttir, formaður velferðarnefndar Alþingis og þingmaður Samfylkingarinnar lagði síðdegis fram fyrirspurn á Alþingi um ADHD teymi Landspítala. Sigríður vill fá svör frá heilbrigðisráðherra um hvort hann hyggist tryggja áframhaldandi fjárveitingu til teymisins. Þá spyr Sigríður Ingibjörg hvað muni koma í stað teymisins ef starfsemin leggist af.

Bæklingurinn

Nýr fræðslubæklingur er nú kominn út hjá ADHD samtökunum en hann nefnist "Unglingar & ADHD". Höfundar hans eru Elín Hoe Hinriksdóttir sérkennari og Sólveig Ásgrímsdóttir sálfræðingur. Í bæklingnum eru upplýsingar um birtingarmyndir röskunarinnar, þróun einkenna, ADHD og nám, hegðunarvanda á unglingsárum, fíkniefnaneyslu og ADHD og samskipti foreldra og unglings.

Lifir ADHD teymi Landspítalans?

Meðferð við ADHD er afar góð fjárfesting, segir Dr. Ari Tuckman sálfræðingur en hann hefur sérhæft sig í ADHD. Fréttir bárust í gær þess efnis að leggja þyrfti ADHD teymi Landspítalans niður að óbreyttu. Fari svo er það í mótsögn við klínískar leiðbeiningar embættis landlæknis en þar er mælt með því að greiningarvinna sé unnin í þverfaglegu teymi starfsfólks sem sérhæft er í greiningu á ADHD.

"Leyndardómar heilans – Láttu verkin tala" komin út

Íslensk þýðing bókar Dr. Ara Tuckman, "Understand your brain - Get more done" kom út á vegum ADHD samtakanna. Fyrsta eintak bókarinnar var afhent Ara við hátíðlega athöfn í Iðnó í dag. Bókin hefur hlotið nafnið "Leyndardómar heilans – Láttu verkin tala".