18. apríl kl. 20:00-22:00 Síðuskóli Stækka mynd ADHD og konur - Fræðslufundur Síðuskóla 18. apríl 2024, kl.20:00-22:00. Sigrún Jónsdóttir, ADHD markþjálfi hjá Míró.is, námskeiðahaldari og stjórnarkona í ADHD samtökunum ætlar að koma og fræða okkur um ADHD og konur sem er hennar hugðarefni. Skilningur og þekking á ADHD er sífellt að aukast og vitum við að einkenni ADHD hverfa ekki þegar skóla eða vinnudegi líkur. Birtingarmynd ADHD hjá konum er ólík birtingarmynd karla og ein af ástæðunum fyrir því að þær eru einn stærsti hópurinn sem takast á við langvarandi álag og streitu. Sigrún mun fjalla um ADHD kvenna og mun hún koma inn á þætti eins hormóna, kröfur í daglegu lífi , styrkeika og leiðir til að finna jafnvægi í daglegu lífi, starfi og námi. Hvað er til ráða og hvar á að byrja. Allir eru velkomnir, félagsmenn sem aðrir. Það verður heitt á könnunni og að sjálfsögðu kostar ekkert að taka þátt. Fjölmennum, fræðumst og skiptumst á reynslusögum og skoðunum um líf með ADHD. ATH! Hægt er að ganga í ADHD samtökin á heimasíðu samtakanna: https://www.adhd.is/is/styrkja/gerast-felagsmadur-adhd Hlökkum til að sjá ykkur sem flest!

Aðalfundur ADHD samtakanna, 16. apríl 2024 samþykkti einum rómi meðfylgjandi ályktun um þá alvarlegu stöðu sem nú er uppi í þjónustu hins opinbera við fólk með ADHD: Vantraust og kerfishrun í þjónustu við fólk með ADHD. Í ályktuninni er skorað á Heilbrigðisráðherra annarsvegar og landlækni hinsvegar að grípa nú þegar til aðgerða vegna stöðunnar.

Boðað er til aðalfundar ADHD samtakanna fta. , í kvöld þriðjudaginn 16. apríl kl. 19:30. Aðalfundurinn fer fram í hátíðarsal ADHD samtakanna, Háaleitisbraut 13, 4. hæð.

Vilhjálmur Hjálmarsson, formaður ADHD samtakanna skrifar á visir.is vegna alvarlegs málflutnings formanns Geðlæknafélagsins á Bylgjunni. Grein Vilhjálms birtist 27.03.2024

Vilhjálmur Hjálmarsson, formaður ADHD samtakanna skrifar á visir.is og mætti í spjall í Reykjavík Síðdegis á Bylgjunni, vegna síendurtekinna rangfærslna og dylgna Óttars Guðmundssonar, nú síðast á dv.is Grein Vilhjálms birtist 25.03.2024 og viðtalið í Reykjavík Síðdegis var sama dag.

ADHD útibú Suðurnesja bjóða uppá spjallfund um sögur af ADHD meðal fullorðinna þann 20. mars 2024. Fundurinn verður haldinn í húsnæði Rauða Krossins, Smiðjuvöllum 9, 230 Reykjanesbæ frá kl: 20.00-22:00. Gestir hvattir til að taka þátt í umræðum og spyrja spurninga. Hér er hlekkur á facebook viðburð: https://fb.me/e/7enytGNIS  Öll velkomin. Hér er tengill til að skrá sig í samtökin: https://www.adhd.is/is/styrkja/gerast-felagsmadur-adhd

Í lok síðasta mánaðar kom út glæný bók sem varpar ljósi á ADHD eins og það kemur fram á fullorðinsárum. Það er farið er yfir lykileinkenni og orsakir ADHD, þróun einkenna yfir æviskeiðið, birtingarmyndir og mögulega fylgikvilla, eins og kvíða og þunglyndi. Fjallað er um greiningarferlið eins og það er hér á landi, meðhöndlun og helstu styrkleika sem fylgt geta því að vera með ADHD. Eins er greint frá leiðum til að bæta skipulag, einbeitingu, tímastjórn og minni, sem og aðferðum til að draga úr frestun. Þótt ADHD verði ekki upprætt með bókalestri má draga úr þeirri hömlun sem einkennin valda og hvernig má hámarka styrkleika sína.