Spjallfundir ADHD samtakanna á miðvikudögum haustið 2018

ADHD samtökin eru 30 ára

Spjallfundaröð haustsins hefst næsta miðvikudag 12. september og er fyrsti fundur ætlaður foreldrum og forráðamönnum og er fundarefnið: Hvar er draumurinn? - Svefnvandi. Umsjón með fundinum hefur Drífa Björk Guðmundsdóttir sálfræðingur og ritari stjórnar ADHD samtakanna. 

Fundirnir eru ýmist ætlaðir foreldrum og forráðamönnum eða fullorðnum einstaklingum með ADHD. Þeir verða haldnir á miðvikudagskvöldum á Háaleitisbraut 13 og hefjast kl. 20:30 og er áætlað að þeim ljúki eigi síðar en kl. 22. 

Umsjón með spjallfundum haustsins hafa meðal annarra: Drífa Björk Guðmundsdóttir sálfræðingur, Elín Hrefna Garðarsdóttir geðlæknir, Haukur Hilmarsson félagsráðgjafi og fjármálasérfræðingur, Sólveig Ásgrímsdóttir sálfræðingur og Vilhjálmur Hjálmarsson leikari og varaformaður ADHD samtakanna.

Heitt á könnunni og kostar ekki neitt :)

Hér má sjá spjallfundaröð haustsins á heimasíðu samtakanna: https://www.adhd.is/is/fraedsla-og-namskeid/spjallfundir-haustonn-2018

Verið öll hjartanlega velkomin!