Áfram stelpur

Fræðslu- og sjálfsstyrkingarnámskeið ADHD samtakanna – Áfram stelpur!

Námskeiðið stendur í 9 klukkustundir - þrjú skipti, 3 klukkustundir í senn. 

Markmið námskeiðsins

Námskeiðinu er ætlað að veita fræðslu um ADHD hjá konum, einkenni þess og algengar fylgiraskanir, ásamt ólíkum birtingarmyndum röskunarinnar. Sérstök áhersla er lögð á þau hugrænu ferli sem liggja að baki algengum áskorunum sem konur með ADHD mæta í daglegu lífi – í námi, starfi, heimilislífi, félagslegum samskiptum og uppeldi.

Markmiðið er að auka sjálfsskilning og styrkja konur í að setja sér raunhæf markmið, gera áætlanir og skapa betra skipulag í daglegu lífi. Með aukinni þekkingu og hagnýtum verkfærum er unnið að því að draga úr streitu, vanmáttarkennd og kulnun.

Á námskeiðinu fá þátttakendur fræðslu um verkfæri sem nýtast í markmiðasetningu, skipulagi og sjálfsstjórn. Þjálfun í notkun þeirra fer fram í gegnum samtöl, ígrundun og verkefnavinnu sem tengist raunverulegum aðstæðum þátttakenda.

Námskeiðið fer fram í Mannréttindahúsinu, Sigtún 42 105 Reykjavík. Gengið inn um aðalinngang.

 Leiðbeinandi er Sigrún Jónsdóttir, ADHD og einhverfu markþjálfi.

Boðið er uppá létta hressingu.

Félagsmenn í ADHD samtökunum fá afslátt af þátttökugjaldinu, en hægt er að ganga í samtökin hér.

Einnig er hægt að hafa samband við ADHD samtökin, 581 1110 eða adhd@adhd.is