Viðburðir

29. september kl. 16:30-17:45
29. september 2020 kl. 16:30 - ADHD og skólastarf á tímum COVID. Skólastarf er nú hafið í grunnskólum, framhaldsskólum og háskólum landsins. Víðast hvar mun COVID faraldurinn hafa mikil áhrif á allt starfið, bæði kennsluna, námið og öll samskipti innann skólasamfélagsins. Sem betur fer, erum við á margann hátt reynslunni ríkari en í vor, þegar faraldurinn skall á og mikilvægt er að nýta þá reynslu til góðs á komandi misserum. Á spjallfundinum mun Bóas Valdórsson, sálfræðingur miðla af reynslu sinni í þessum efnum, en auk þess að vera sérfræðingur í málefnum fólks með ADHD hefur hann starfað sem skólasálfræðingur í MH undanfarin ár. Bóas þekkir því vel þær áskoranir sem skólasamfélagið þurti að takast á við vegna COVID og hefur ýmis góð ráð um hvernig þeim verði best mætt - bæði af nemendum, kennurum og skólasamfélaginu almennt. Bóas hefur um nokkurt skeið, haldið úti hlaðvarpinu Dótakassinn, þar sem fjallað er um ungt fólk og hvernig það getur haft jákvæð áhrif á líf sitt og heilsu. Við bendum líka á upptökur af nokkrum fræðslufundum ADHD samtakanna um ýmis ADHD málefn sem nálgast má hér.
Grófinni, Hafnarstræti 95, 4. hæð
29. september kl. 20:00-22:00
Á námskeiðinu verður fjallað um eftirfarandi þætti: Skilningur á ADHD og ólík einkenni Algengir fylgikvillar Að sættast við greininguna – styrkleikar og vandkvæði Markmiðasetning Félagsleg samskipti almennt Vinna og nám Fjármálastjórn Heimilið Foreldrahlutverkið og samskipti við maka Heilbrigt líferni Markmið námskeiðsins Markmiðið er að veita fullorðnum með ADHD helstu upplýsingar um einkenni ADHD og ólíkar birtingarmyndir röskunarinnar. Styrkja einstaklingana í að skipuleggja líf sitt, ná utan um það sem kannski áður hefur farið forgörðum, vinna á streitu og kvíða með upplýsingum, samtölum og æfingum. Veita þátttakendum ákveðin tæki til að líða betur með ADHD í sínu lífi. Setja sér skynsamleg markmið og raunhæfar kröfur. Afraksturinn er betri einstaklingur, huganlega betra og ánægðara foreldri, maki, starfsmaður og borgari.
Háaleitisbraut 13, 4.hæð
30. september kl. 20:30-21:30
Ég get! er skemmtilegt og fræðandi sjálfstyrkingarnámskeið fyrir 14-16 ára unglinga með ADHD (8.-10. Bekkur). Námskeiðið samanstendur af fræðslu, umræðum og léttum verkefnum og hvatt er til virkrar þátttöku unglinganna. Hægt er að greiða fyrir námskeiðið með frístundastyrkjum sveitarfélaga. Almenn fræðsla um ADHD er mikilvægur þáttur í að unglingarnir öðlist skilning á sjálfum sér og þeim áskorunum sem verða á vegi þeirra í daglegu lífi og sætti sig við greininguna. Meiri áhersla er þó lögð á að efla sjálfsmynd unglinganna með því að draga fram þá styrkleika sem þeir búa yfir og benda þeim á leiðir til að nýta styrkleikana sína til að vinna með erfiðleikana. Meðal þess sem fjallað er um er: Almenn fræðsla um ADHD með öllum þess kostum og göllum Fylgiraskanir ADHD Sjálfsmyndin Mikilvægi greiningarinnar og sátt Tímastjórnun, skipulagning og markmiðasetning Tilfinningastjórnun og félagsfærni Áhættuhegðun og kynvitund Lífsstíll og sýndarveruleikinn Ábyrgð og stuðningur Námskeiðið er 20 klukkustundir og tekur 10 vikur. Fyrsti og síðasti tíminn eru 1 klst, tímar tvö og níu eru 3 klst. Og tímar þrjú til átta eru 2 klst. hver (sjá töflu hér að neðan). Foreldrakynning Mánudagur 30. september kl. 20:30 - 21:30 tími Laugardagur 10. október kl. 12:00 - 15:00 tími Miðvikudagur 14. október kl. 17:00 - 19:00 tími Miðvikudagur 21. október kl. 17:00 - 19:00 tími Miðvikudagur 28. október kl. 17:00 - 19:00 tími Miðvikudagur 4. nóvember kl. 17:00 - 19:00 tími Miðvikudagur 11. nóvember kl. 17:00 - 19:00 tími Miðvikudagur 18. nóvember kl. 17:00 - 19.00 tími Laugardagur 28. nóvember kl. 12:00 - 15:00 Foreldrafundur Miðvikudagur 2. desember kl. 20:30 - 21:30 Tveir umsjónarmenn stjórna námskeiðinu, Dr. Drífa Björk Guðmundsdóttir, sálfræðingur og Sigrún Jónsdóttir, þroskaþjálfi og ADHD markþjálfi, auk gestafyrirlesara. Námskeiðið er haldið í sal ADHD að Háaleitisbraut 13 í Reykjavík. Námskeiðsgjald er kr. 34.500,- en kr. 29.500,- fyrir félagsmenn ADHD samtakanna (ef einhver á heimilinu er í samtökunum). Hægt er að skrá sig í ADHD samtökin hér. Námskeiðið er hægt að greiða að hluta eða í heild, með frístundastyrkjum eða sambærilegum styrkjum, ef þátttakendur búa í Reykjavík, Hafnarfirði, Kópavogi, Garðabæ eða Mosfellsbæ. Aðeins 12 pláss - skráning opin! Einnig er hægt að hafa samband við skrifstofu í síma 581 1110 eða á netfangið adhd@adhd.is
Háaleitisbraut 13, 4.hæð
7. október kl. 20:30-22:00
Réttast væri að flengja ræfilinn... um samskipti foreldra og barna með adhd. Þó uppeldisleg heilræði Guttavísna séu sem betur fer flest farin í glatkistu minninganna má fullyrða að börn með ADHD lendi oftar en önnur börn í erfiðum samskiptum við nánustu aðstandendur og umhverfi sitt almennt - ekki síst vegna hvatvísinnar og vandkvæða við að uppfylla hefðbundnar kröfur um aga og einbeitingu. Skilningur á ADHD góð mskipti byggð á eirri þekkingu geta verið lykillinn uppbyggjandi uppeldi og heilbrigðu fjölskyldulífi. Á undinum mun Sóveig Ágrímsdóttir sálfræðingur fjalla um jákvæð samskipti foreldra og barna og áhrif mismunandi uppeldisaðferða eða uppeldisstíla á sjálfsmynd barna og þroska. Sólveig hefur verið brautryðjandi í umfjöllun um ADHD á Íslandi og m.a. gefið út bókina Ferðalag í flughálku, um ADHD og unglinga, sem nýverið fékk Hvatningarverðlaun ÖBÍ.
Háaleitisbraut 13
4. nóvember kl. 20:30-22:00
Lyf og ADHD. Mikil umræða hefur verið um notkun lyfja og ADHD á liðnum misserum og víða má greina fordóma og vanþekkingu um þessi mál. Á fundinum verður farið yfir virkni helstu lyfja sem notuð eru vegna ADHD, rætt um mögulegar aukaverkanir og reynt að svara helstu spurningum sem brenna á vörum fundargesta. Umsjón með fundinum hefur Vilhjálmur Hjálmarsson, varaformaður ADHD samtakanna og Elin Hrefna Garðarsdóttir, geðlæknir og gjaldkeri ADHD samtakanna.
Háaleitisbraut 13
7. nóvember kl. 10:00-14:00
Fræðslunámskeið fyrir aðstandendur 13-18 ára barna með ADHD verður haldið, laugardagana 7. nóvember og 14. nóvember 2020, frá kl. 10-14 báða dagana, að Háaleitisbraut 13 í Reykjavík. Á námskeiðinu er lögð áhersla á að þátttakendur öðlist góðan skilning á hvað er ADHD og fái einföld og hagnýt ráð við uppeldi unglinga með ADHD. Námskeiðið hentar því vel fyrir alla nána aðstandendur unglinga með ADHD, mömmur, pabba, fósturforeldra, stjúpforeldra, ömmur, afa og aðra nána. Það er mikill kostur ef allir nánustu aðstandendur geta tekið þátt. Boðið verður uppá fjarfundarbúnað fyrir þá sem ekki geta mætt á staðinn. DAGSKRÁ: Laugardagur 7. nóvember 2020 10:00 -11:30 Unglingar með ADHD. Stutt yfirlit um einkenni ADHD, hvað breytist á unglingsárunum, mótþrói og erfið hegðun. 11:30 - 12:00 Matarhlé 12:00 -13:30 Nám og skólaganga unglinga með ADHD í efri bekkjum grunnskóla og framhaldsskóla. Áhrif ADHD á námsgetu og helstu erfiðleikar 13:30 - 14:00 Samantekt og spjall Laugardagur 14. nóvember 2020 10:00 - 11:30 Uppeldi unglinga - hvað er til ráða? Hvernig samskipti í fjölskyldu geta þróast á neikvæðan hátt og hvernig hægt er að brjóta það upp, reglur og samningar 11:30 - 12:00 Matarhlé 12:00 - 13:30 Líðan unglinga með ADHD.. Sjálfsmynd, kvíði og depurð hjá unglingum með ADHD. 13:30 - 14:00 Samantekt og spjall Röð fyrirlestra getur breyst, en hver fyrirlestur er í 45 mín. og síðan umræður og fyrirspurnir í 30 mín. Félagsmenn í ADHD samtökunum fá verulegan afslátt af þátttökugjaldinu, en hægt er að ganga í samtökin hér. NÁMSKEIÐSVERÐ: Verð fyrir einstakling 28.000 kr. SKRÁNING HÉR Verð fyrir einstakling sem er félagsmaður ADHD 19.000 kr. SKRÁNING HÉR Verð fyrir tvo einstaklinga 46.000 kr. SKRÁNING HÉR Verð fyrir tvo einstaklinga þar sem annar aðili er félagsmaður ADHD 28.000 kr. SKRÁNING HÉR
Háaleitisbraut 13, 4.hæð
18. nóvember kl. 20:30-22:00
Elliglöp og önnur óværa - um eldra fólk og ADHD Öll þekkjum við þegar eldra fólk er sagt vera með elliglöp, sé farið að kalka eða ekki með sjálfu sér... En hvað með ADHD, einhverfu eða aðrar raskanir...? Sólveig Ásgrímsdóttir, sálfræðingur og ritari ADHD samtakanna mun á fundinum fjalla um rannsóknir sínar á ADHD meðal eldra fólks, en Sólveig hefur verið brautryðjandi í umfjöllun um ADHD á Íslandi og m.a. gefið út bókina Ferðalag í flughálku, um ADHD og unglinga, sem nýverið fékk Hvatningarverðlaun ÖBÍ.
Háaleitisbraut 13
9. desember kl. 20:30-22:00
ADHD og Jólin. Á fundinum verður fjallað um undirbúning jóla og ADHD. Dr Drífa Björk Guðmundsdóttir, sálfræðingur fjallar um, hvernig ýmislegt í jólaundirbúningnum, spenningnum sem fylgir jólunum og breyttri rútínu fjölskyldunnar í jólafríinu, getur valdið streitu og erfiðleikum hjá börnum og fólki með ADHD og gefur góð ráð um hvernig hægt er að bregðast við. Jólin eru enda og eiga að vera, hátíð gleðinnar hjá fólki með ADHD ekki síður en öðrum.
Háaleitisbraut 13