Kröfuganga 1. maí: Atvinna fyrir alla

Félagsfólk ÖBÍ fylkir sér 1. maí á bak við kröfu samtakanna um jafnan rétt á vinnumarkaði. Aðildarfélagar eru hvattir til að sýna samstöðu og taka þátt í kröfugöngu og hátíðahöldum í tilefni af alþjóðlegum baráttudegi verkalýðsins föstudaginn 1. maí. Farið verður frá Hlemmi kl. 13.30 og einnig verður hægt að sameinast göngunni á leiðinni niður Laugaveg eða við Ingólfstorg, þar sem henni lýkur.

Gleðilegt sumar

ADHD samtökin senda félagsmönnum sínum og landsmönnum öllum bestu óskir um gleðilegt sumar með þökk fyrir veturinn. Sumarbyrjun verður líkt og veturinn, viðburðaríkur. Námskeið, fræðslufundir, og fleira verður í boði. Njótið komandi sumars og hafið þökk fyrir allan stuðninginn við starf ADHD samtakanna.

Taktu stjórnina - FRESTAÐ TIL HAUSTS

ADHD samtökin bjóða á ný upp á fræðslunámskeið og ráðgjöf fyrir fullorðna með ADHD. Námskeiðið nefnist "Taktu stjórnina" og stendur í 10 klukkustundir, laugardaginn 9. maí og sunnudaginn 17. maí. Skráning er hafin á vef samtakanna en fjöldi þátttakenda er takmarkaður.

Spyr um greiningar á börnum með ADHD

Hversu langir eru biðlistar og biðtími eftir greiningu á ofvirkni og athyglisbresti (ADHD) og skyldum röskunum hjá börnum? Þannig spyr Páll Valur Björnsson, þingmaður Bjartrar framtíðar en fyrirspurn hans til Kristjáns Þórs Júlíussonar heilbigðisráðherra var lögð fram á Alþingi í dag. Páll Valur er einn talsmanna barna á Alþingi en hópinn skipa þingmenn úr öllum flokkum sem hafa setið námskeið á vegum UNICEF, Barnaheilla og Umboðsmanns barna um Barnasáttmálann og notkun hans sem hagnýts verkfæris við ákvarðanatöku og stefnumótun.

Spjallfundur fyrir fullorðna - ADHD og lyf

Minnum á spjallfundinn í kvöld, miðvikudag, 15. apríl fyrir fullorðna. Yfirskrift fundarins er ADHD og lyf. Elín Hrefna Garðarsdóttir geðlæknir og Vilhjálmur Hjálmarsson leiða fundinn. Fundurinn verður að Háaleitisbraut 13 - 4.hæð og hefst klukkan 20:30 Allir velkomnir í kaffi og notalega stund án endurgjalds.

Skráningu að ljúka á GPS fyrir stúlkur

Skráningu er að ljúka á GPS- sjálfsstyrkingarnámskeið fyrir stúlkur sem hefst 18. apríl.

Spjallfundur fyrir foreldra og forráðamenn: ADHD og lyf

Minnum á spjallfundinn á morgun, miðvikudag 8. apríl fyrir foreldra og forráðamenn. Yfirskrift fundarins er ADHD og lyf. Elín Hrefna Garðarsdóttir geðlæknir og Vilhjálmur Hjálmarsson leiða fundinn. Fundurinn verður að Háaleitisbraut 13 - 4.hæð og hefst klukkan 20:30 Allir velkomnir í kaffi og notalega stund án endurgjalds.

Gleðilega páska

Kæru félagsmenn, velunnarar og vinir, við óskum ykkur gleðilegra páska. Skrifstofa ADHD opnar á ný þriðjudaginn 7. apríl klukkan 13:00.

Náum áttum:Einelti - Úrræði og forvarnir

Síðasti Náum áttum morgunverðarfundur vetrarins verður þann 15. apríl næstkomandi á Grand Hóteli. Yfirskrift fundarins að þessu sinni verður Einelti – úrræði og forvarnir.

Fimmtudagsfræðslan: Leiðir til að efla einbeitingu og úthald barna með ADHD

ADHD og leiðir til að efla einbeitingu og úthald barna með ADHD er umfjöllunarefni Fimmtudagsfræðslunnar, í Gerðubergi 26. mars kl. 17.00 - 18.30. Fimmtudagsfræðslan er opin fræðsla fyrir foreldra í Breiðholti annan hvorn fimmtudag en það er Þjónustumiðstöð Breiðholts sem stendur að fræðslunni, í samvinnu við Menntun Núna og Borgarbókasafnið - Menningarhús Gerðubergi.