ADHD samtökin bjóða upp á spjallfund í kvöld, miðvikudaginn 22. mars 2017 kl. 20:30, fyrir fullorðna, að Háaleitisbraut 13. Yfirskrift fundarins er "Náin sambönd og ADHD" og er umsjónarmaður Elín Hoe Hinriksdóttir. Allir velkomnir, heitt á könnunni og kósý stemmning sem kostar ekkert. Hlökkum til að sjá ykkur sem flest.

Aðalfundur ADHD samtakanna verður haldinn mánudaginn 20.mars 2017 í fundarsal, 4.hæð - Háaleitisbraut 13. Fundurinn hefst klukkan 20:00 Meðal aðalfundarstarfa er kosning til tveggja ára í embætti formanns, varaformanns, eins aðalstjórnarmanns og eins varamanns. Þá verða lagðar fyrir lagabreytingar um kjörgengi.

Brýnt er að móta stefnu og skoða heildrænt hvernig sálfræðiþjónusta eigi að vera í framhaldsskólum. Sálfræðingar eru starfandi í hlutastarfi í nokkrum skólum á þessu stigi á landinu en starf þeirra er ólíkt eftir skólum. Þetta kom fram í erindi Bóasar Valdórssonar, sálfræðings við Menntaskólann í Hamrahlíð, á fundi samtakanna Náum áttum um einmanaleika og sjálfskaðandi hegðun ungs fólks í morgun.

Aðalfundur ADHD samtakanna verður haldinn mánudaginn 20.mars 2017 í fundarsal, 4.hæð - Háaleitisbraut 13. Fundurinn hefst klukkan 20:00. Meðal aðalfundarstarfa er kosning formanns, varaformanns, eins aðalstjórnarmanns og eins varamanns. Þá verða lagðar fyrir lagabreytingar um kjörgengi.

Núverandi löggjöf og stefnumótun felur í sér stuðning við markmið og áherslur stefnu um menntun án aðgreiningar. Hins vegar er nokkuð um að mismunandi skilningur sé lagður í hugtakið menntun án aðgreiningar. Þá telja flestir þeirra sem sinna menntamálum, á hvaða skólastigi sem þeir starfa, að núverandi tilhögun fjárveitinga og reglur um ráðstöfun fjár taki hvorki mið af jafnræðissjónarmiðum né hugmyndum um skilvirkni og styðji ekki við skóla án aðgreiningar. Þetta er meðal niðurstaðna úttektar Evrópumiðstöðvar um menntun án aðgreiningar á Íslandi sem kynnt var í dag.

"Hyggst ráðherra hefja átak til að stytta biðlista eftir greiningu, m.a. hjá greiningar- og ráðgjafarstöð ríkisins og Þroska- og hegðunarstöð?" ÞAnnig hljóðar hluti fyrirspurnar Elsu Láru Arnardóttur, þingmanns Framsóknarflokksins og fulltrúa í velferðarnefnd Alþingis til Þorsteins Víglundssonar, félags- og jafnréttismálaráðherra. Þingmaðurinn spyr ennfremur um aukið fjármagn til málaflokksins í þessu syni eða til annarra aðgerða í þágu barna sem bíða úrræða.

Óttarr Proppé, heilbrigðisráðherra tók í morgun við áskorun þúsunda einstaklinga til stjórnvalda þess efnis að fella sálfræðiþjónustu nú þegar undir greiðsluþátttökukerfi Sjúkratrygginga Íslands. Átta félagasamtök, hrintu af stað undirskriftasöfnun um miðjan nóvember 2016 og var lokað fyrir söfnunina um miðjan janúar 2017. Þá höfðu 11.355 tekið þátt í áskoruninni.

ADHD samtökin bjóða upp á sjálfsstyrkingarnámskeið fyrir stráka í 8. til 10. bekk. Námskeiðið hefst laugardaginn 11. mars 2017 en foreldrakynning verður fimmtudaginn 9. mars. Skráning er hafin á vef ADHD.

ADHD samtökin bjóða upp á spjallfund í kvöld, miðvikudaginn 8. febrúar 2017 kl. 20:30. Fundurinn verður í fundarsal að Háaleitisbraut 13 og er ætlaður foreldrum og forráðamönnum. Yfirskrift fundarins er "ADHD, kvíði og aðrar fylgiraskanir" og er umsjónarmaður Drífa Björk Guðmundsdóttir. Allir eru velkomnir, heitt á könnunni og kósý stemmning sem kostar ekkert. Hlökkum til að sjá ykkur sem flest.

Skrifstofa ADHD samtakanna er lokuð í dag, föstudag 27. janúar vegna málþings um sérúrræði í grunnskólum Hafnarfjarðar. Við fylgjumst með tölvupósti en hægt er að senda okkur póst á adhd@adhd.is.