Sala endurskinsmerkja ADHD samtakanna stendur nú sem hæst. Sölufólk býður merkin í Smáralind, Kringlunni og á Glerártorgi á Akureyri um helgina. Þá er sölufólk víða um land, m.a. á Blönduósi, Sauðárkróki, Akranesi, í Borgarnesi og víðar. Við þökkum fyrir afar góðar móttökur og allan þann stuðning sem samtökunum er sýndur.

Fjöldi viðburða er á dagskrá á vegum ADHD samtakanna nú í október, alþjóðlegum ADHD vitundarmánuði, líkt og fyrri ár. Nýtt endurskinsmerki ADHD kom út í dag og voru fyrstu merkin afhent nemendum í Fjölbrautaskólanum við Ármúla. Bók Sólveigar Ásgrímsdóttur, sálfræðings, Ferðalag í flughálku - Ungingar og ADHD kemur út síðar í mánuðinum. Í lok október efna ADHD samtökin svo til málþings um ADHD og ungmenni.

ADHD samtökin bjóða upp á spjallfund í kvöld, miðvikudaginn 4. október 2017 kl. 20:30. Fundurinn verður í fundarsal að Háaleitisbraut 13 - IV.hæð og er ætlaður foreldrum og forráðamönnum barna með ADHD. Yfirskrift fundarins er "ADHD og unglingar" og er umsjónarmaður Sólveig Ásgrímsdóttir. Allir eru velkomnir, heitt á könnunni og kósý stemmning sem kostar ekkert. Hlökkum til að sjá ykkur sem flest.

Spjallfundur sem fyrirhugaður var í kvöld fellur niður vegna veikinda. Ný tímasetning verður auglýst síðar.

Undirbúningur fyrir afhendingu Hvatningarverðlauna ÖBÍ 2017 er nú í fullum gangi en verðlaunin verða afhent á Hilton Reykjavík Nordica 4. desember. Óskað er eftir tilnefningum til verðlaunanna og hefur frestur til þess verið framlengdur til 22. september næstkomandi.

Spjallfundir hefjast nú að nýju og verður sá fyrsti í kvöld, miðvikudaginn 13. september 2017 kl. 20:30. Fundurinn verður í fundarsal að Háaleitisbraut 13 - IV.hæð og er ætlaður foreldrum og forráðamönnum. Yfirskrift fundarins er "Svefnvandi barna og morgunrútína" og er umsjónarmaður Drífa Björk Guðmundsdóttir. Allir eru velkomnir, heitt á könnunni og kósý stemmning sem kostar ekkert. Hlökkum til að sjá ykkur sem flest.

Undirbúningur fyrir afhendingu Hvatningarverðlauna ÖBÍ 2017 er nú í fullum gangi en verðlaunin verða afhent á Hilton Reykjavík Nordica 4. desember. Óskað er eftir tilnefningum til verðlaunanna en frestur rennur út þann 15. september næstkomandi.

Spjallfundir ADHD samtakanna hefjast nú á ný að lok nú sumarhléi. Alls eru fyrirhugaðir átta fundir fram að áramótum og verður sá fyrsti næstkomandi miðvikudag, 13. september klukkan 20:30. Sá fundur er ætlaður foreldrum og forráðamönnum barna með ADHD og er yfirskrift hans "Svefnvandi barna og morgunrútína".

Nú styttist óðum í Reykjavíkurmaraþon Íslandsbanka 2017 en það fer fram næstkomandi laugardag, 19.ágúst 2017. Vel á annað hundrað góðgerðarfélög taka þátt í áheitasöfnun hlaupsins og eru ADHD samtökin þar á meðal. Nokkrir tugir hlaupara leggja ADHD samtökunum lið og vekja um leið athygli á málstaðnum. Afraksturinn rennur til fræðslustarfsemi ADHD samtakanna.

Reykjavíkurmaraþon Íslandsbanka 2017 fer fram laugardaginn 19.ágúst 2017 og verður þetta í 34. sinn sem hlaupið er haldið. Vel á annað hundrað góðgerðarfélög taka þátt í áheitasöfnun hlaupsins. ADHD samtökin eru meðal fjölmargra félagsamtaka sem þátttakendur í Reykjavíkurmaraþoni geta hlaupið fyrir og um leið vakið athygli á málstaðnum. Áheitasöfnun fer fram á vefnum hlaupastyrkur.is