Ertu í prófum, hverfur tíminn?

Hugmyndafundur ungs fólks „Okkar líf-okkar sýn“

Þann 29. apríl næstkomandi stendur ÖBÍ fyrir hugmyndafundi ungs fólks á aldrinum 13-18 ára er nefnist „OKKAR LÍF-OKKARSÝN“ en tilgangur þess er að gefa ungmennum með fatlanir og raskanir tækifæri til að láta skoðanir sínar í ljós. Þessi vettvangur er kjörið tækifæri fyrir börn með ADHD að láta rödd sína heyrast. Hvað vilja þau sjá og hvað mætti samfélagið gera betur til að koma til móts við þeirra þarfir.

ADHD Samtökin taka á móti styrk frá Félags- og vinnumarkaðsráðherra

ADHD Samtökin voru ein af 23 félagasamtökum- og verkefnum sem var í dag úthlutaður styrkur af Guðmundi Inga Guðbrandssyni, Félags- og vinnumarkaðsráðherra. Að þessu sinni var lögð sérstök áhersla á verkefni sem hvetja til virkni, vellíðan og valdeflingar einstaklinga í viðkvæmri stöðu, svo sem þá sem búa við félagslega einangrun, ofbeldi eða aðstæður sem hindra þátttöku í samfélaginu. Allt eru þetta gildi sem eru hornsteinn í starfsemi ADHD Samtakanna og því sannur heiður að hljóta þennan styrk og ver í svona fríðu föruneyti félagasamtaka- og verkefna.

Aðalfundur ADHD samtakanna árið 2022

Aðalfundur ADHD samtakanna árið 2022 fór fram miðvikudaginn 30. mars 2022 í húsakynnum félagsins að Háaleitisbrut 13. Á fundinum var kjörið í stjórn samkvæmt lögum samtakanna, ársreikningar vegna 2021 afgreiddir, viðamiklar lagabreytingar samþykktar og ályktað um þá óviðandu stöðu sem nú ríkir hjá hinu opinbera við greiningar og þjónustu við fólk með ADHD. Árgjaldið verður óbreytt, kr 3650 og hafa kröfur vegna þess verið stofnaðar i heimabanka félagsfólks.

Óbreytt ástand eða besta land í heimi – tækifærið er núna!

Aðalfundur ADHD samtakanna, haldinn 30. mars 2022 fagnar þeim breytingum sem nú er verið að gera á þjónustu við fólk með ADHD. Nýtt ADHD teymi heilsugæslunnar fyrir fullorðna, Geðheilsumiðstöð barna og fyrirheit um aukið fjármagn og bætta þjónustu á landsvísu eru löngu tímabærar aðgerðir af hálfu hins opinbera til að bregðast við því ófremdarástandi sem skapast hefur í málafloknum á liðnum árum.

Aðalfundur ADHD samtakanna

Minnum á Aðalfund ADHD samtakanna á morgun, miðvikudaginn 30. mars kl. 20:00. Aðalfundurinn fer fram í hátíðarsal ADHD samtakanna, Háaleitisbraut 11-13, 4. hæð og eru félagsmenn hvattir til að mæta og taka þátt í aðalfundarstörfum.

Evrópsk könnun á stöðu einstaklinga með taugaþroskaraskanir

Í tilefni að alþjóðlegum kvennadegi hefur verið hrint af stað evrópskri könnun á vegum EFNA (Evrópsk samtök um taugaþroskaraskanir) og er hún studd af ADHD Europe. Könnunin er ætluð öllum kynjum. Þessari könnun er m.a. ætlað að bera kennsl á og varpa ljósi á stöðu einstaklinga með ADHD og þær áskoranir sem þeir glíma við. Þetta á við bæði um einstaklinga með taugaþroskaraskanir en einnig þá sem sjá um umönnun þeirra. Einkenni kvenna með ADHD birtast á annan hátt en hjá körlum sem gerir það að verkum að oft eru þær vangreindar og fá ekki meðferð við hæfi.

Síðasti séns að skrá sig til leiks í Reykjavíkurmaraþoni Íslandsbanka og fá afslátt af skráningargjaldi.

Fimmtudaginn næstkomandi (10.03.22) er síðasti séns til þess að skrá sig til þátttöku í Reykjavíkurmaraþoni Íslandsbanka og fá afslátt af skráningargjaldi. Reykjavíkurmaraþon Íslandsbanka fer fram laugardaginn 20. ágúst 2022 og ljóst að Covid19 fær ekki að setja strik í reikninginn að þessu sinni. Áheitasöfnun hlauparanna er í ár líkt og áður gríðarlega mikilvægur líður í fjáröflun samtakanna. ADHD samtökin hafa í gengum tíðina notið góðs af frábærum hópi fólks sem hefur hlaupið undir nafni samtakanna og verið hluti af #TeamADHD og við fögnum hverjum nýjum þátttakanda.

TÍA, fjarnámskeið fyrir þjálfara og frístundarstarfsmenn

TÍA - tómstundir, íþróttir og ADHD, er námskeið fyrir þá sem vinna með börnum með ADHD, hvort sem það er í tómstundum, íþróttum og skólastarfi. Námskeiðið haldið í þriðja sinn daganna 28. apríl og 19. maí og er í fjarfundarformi. Skráningu lýkur á næstu dögum...

Fræðslunámskeið fyrir aðstandendur unglinga með ADHD - Síðustu forvöð til að skrá sig

Skráningu er að ljúka á fræðslunámskeið fyrir aðstandendur 13-18 ára unglinga með ADHD sem verður haldið 12. & 19. mars 2022 í húsnæði ADHD samtakanna, Háaleitisbraut 13 í Reykjavík og í gegnum fjarfundarbúnað. Námskeiðið er eitt af elstu námskeiðum samtakanna og jafnframt það námskeið sem best viðbrögð hefur fengið hjá þátttakendum.