Fræðslufundur - Samskipti foreldra og unglinga

Minnum á fræðslufundinn í kvöld - Samskipti foreldra og unglinga Á þessum fræðslufundi mun Sólveig Ásgrímsdóttir, sálfræðingur fara yfir hvernig hægt er að efla jákvæð og uppbyggjandi samskipti, setja reglur og fylgja þeim eftir. Allir þekkja aðstæður þar sem upp koma erfið mál og samskiptavandi. Sólveig gefur góð ráð og leiðbeinir foreldrum og aðstandendum hvernig hægt er að koma í veg fyrir neikvæð samskipti og skapa traust mili foreldra og unglings. Fundurinn verður haldinn í húsnæði ADHD samtakanna að Háaleitisbraut 13, 4. hæð, 108 Reykjavík. í kvöld 30. nóvember kl. 20:00-21:30 Hægt er að skrá sig á Facebook síðu: https://www.facebook.com/events/542765064333080/?ref=newsfeed Verið velkomin á fræðslufundinn! Hægt er að skrá sig í samtökin á eftirfarandi hlekk: https://www.adhd.is/is/styrkja/gerast-felagsmadur-beintengt

Fræðslufundur Eyrabakka - Prófaundirbúningur

Minnum á Fræðslufundinn um prófaundirbúning fyrir framhaldsskóla í kvöld á Skrúfunni Drífa Pálín Geirsdóttir, aukakennari með ADHD og Charlotte Sigrid Á Kósini, kennari fara yfir allt sem þú vilt vita svo þú getir masterað að læra fyrir próf án þess að klára TicToc, klára heila sjónvarpsseríu og þrífa allt heima hjá þér hátt og lágt. Það er bara hunderfitt að læra fyrir próf og stundum hjálpar ADHD bara alls ekki neitt, þá er gott að hafa réttu tólin til að vinna verkið. Fundurinn er stílaður á nemendur í framhaldsskólum og aðstandendur þeirra en getur einnig nýst nemendum á öðrum skólastigum. Fundurinn fer fram í Skrúfunni Eyrabakka. Húsið opnar 19:15, kaffi og kruðerí í boði. Skráning á facebook síðu: https://www.facebook.com/events/1169211267354190?ref=newsfeed Hægt er að skrá sig í samtökin á eftirfarandi hlekk: https://www.adhd.is/is/styrkja/gerast-felagsmadur-beintengt Verið hjartanlega velkomin!

Farsælt fjölskyldulíf á aðventunni

Minnum á spjallfundinn í kvöld í Grófinni Hafnarstræti 95. kl. 20:00 til 21.30. Fundurinn sem ber yfirskriftina Friðsælt fjölskyldulíf á aðventunni er ætlaður börnum og ungmennum með ADHD, aðstandendum þeirra og öðrum áhugasömum. Dr. Drífa Björk Guðmundsdóttir sálfræðingur mun fjalla um algengar áskoranir sem fylgt geta breyttri rútínu á aðventu og jólum í fjölskyldum einstaklinga með ADHD. Ýmis ráð og hugmyndir verða kynnt til sögunnar sem dregið geta úr streitu og spennu og stuðlað að jákvæðum samskiptum innan fjölskyldunnar. Þátttakendur eru hvattir til að taka virkan þátt í umræðunum og gaman væri ef ólík sjónarhorn myndu heyrast. Komum saman og eigum notalega stund í aðdraganda hátíðar, gleði og friðar. Boðið verður upp á jólaöl, kaffi og smákökur. Hægt er skrá sig á Facebook: https://www.facebook.com/events/3362814833941552/?ref=newsfeed Til að skrá sig í samtökin á eftirfarandi hlekk: https://www.adhd.is/is/styrkja/gerast-felagsmadur-beintengt Allir velkomnir!!

Börnin okkar og ábyrgð RÚV!

Börnin okkar og ábyrgð RÚV! Grein eftir Vilhjálm Hjálmarsson, formann og Gyðu Haraldsdóttur, varaformann ADHD samtakanna um alvarlegar dylgjur og rangfærslur um greiningar, meðferð og notkun lyfja vegna ADHD í þættinum Börnin okkar sem sýndur var á RÚV. Greinin birtist fyrst á visir.is 16.11.2022

Kótilettukvöld í Höllinni

Síðastliðinn fimmtudag var áttunda Kótilettukvöldið haldið í Höllinni í Vestmanneyjum. Kvöldið sem byrjaði sem lítill karlaklúbbur þar sem menn kæmu sama til þess að borða kótilettur hefur nú snúist upp í viðburð þar sem á þriðja hundarð manns kemur saman. Ágóði af viðburðinum hefur í nokkurn tíma verið færður til félagasamtaka og voru ADHD Samtökunum og Einhug sem er félag einhverfra og aðstandenda þeirra styrkþegar þetta árið. Bæði félögin hafa verið virk í eyjum og þjónustað einstaklinga með þessar raskanir og fjölskyldur þeirra. Minningarsjóð Gunnar Karls Haraldssonar hlaut einnig styrk. ADHD Samtökin vilja koma á framfæri þökkum sínum til þeirra sem standa á bak við þennan frábæra viðburð. Samhugur Eyjamanna er ávallt til fyrirmyndar og öðrum til eftirbreytni.

ADHD og konur - Opinn spjallfundur

ATH!! Vegna mikillar þátttöku þá verður fræðslufundurinn í Seljakirku, Hagasel 40. ADHD og konur - Opinn spjallfundur 8. nóvember kl. 20:00. Sigrún Jónsdóttir, ADHD markþjálfi, námskeiðahaldari og stjórnarkona í ADHD samtökunum ætlar að koma og fræða okkur um ADHD og konur sem er hennar hugðarefni. Gríðarlegur fjöldi kvenna hefur ekki fengið greiningu á ADHD og er það ein af ástæðunum fyrir því að þær eru einn stærsti hópurinn sem tekst á við kulnun í dag. Hvað er til ráða og hvar á að byrja. Allir eru velkomnir, félagsmenn sem aðrir. Það verður heitt á könnunni og að sjálfsögðu kostar ekkert að taka þátt. Fjölmennum, fræðumst og skiptumst á reynslusögum og skoðunum um líf með ADHD. Hlökkum til að sjá ykkur sem flestar! Skráðu þig á Facebook viðburðinn og fáðu áminningu: Hægt er að ganga í ADHD samtökin á meðfylgjandi síðu: https://www.adhd.is/is/styrkja/gerast-felagsmadur-beintengt

Lífið með ADHD - Anna Tara Andrésdóttir

Í þættinum ræðir Bóas Valdórsson við Önnu Töru Andrésdóttur doktorsnema við Háskólann í Barcelona en í rannsóknum sínum leggur hún sérstaka áherslu á konur með ADHD. Anna Tara lauk BS gráðu í sálfræði og viðbótardiplóma í hagnýtri jafnréttisfræði frá Háskóla Íslands, mastersgráðu í rannsóknum í hegðun og hugarstarfsemi frá Háskólanum í Barcelona. Hún brennur fyrir málefnum ADHD því hún skilur vel hversu mikil áhrif ADHD getur haft á líf fólks. ADHD er meðhöndlanlegasta röskunin sem til er og því er mikilvægt að veita fólki þau bættu lífsgæði sem það eiga skilið. Anna Tara flutti nýverið fyrirlestur á málþingi ADHD samtakanna undir yfirskriftinni Viljum við betra líf? Um verndandi áhrif greininga, meðferðar og lyfja vegna ADHD og er hægt að nálgast hann í heild sinni hér: https://youtu.be/DKauu18V3SQ?t=3362 Hlaðvarp ADHD samtakanna í umsjón Bóas Valdórssonar. Góðir gestir miðla reynslu sinni af lífinu með ADHD. Gleði, sorgir, sigrar og óborganlegar lífsreynslusögur í bland viðfróðleik um ADHD. Allt sem þú hélst að þú vissir um ADHD, en vissir í raun ekki. Þáttinn í heild má nálgast hér að neðan og í öllum helstu hlaðvarpsveitum: https://open.spotify.com/episode/3rN7trTQtIjOi6Z9ubynBL?si=d6b88140f73a4960

Hvatningarverðlaun ADHD samtakanna 2022

Á málþingi ADHD samtakanna er nefnist „Þú ert númer 1250 í röðinni...“ og haldið var 27. október á Grand Hótel voru afhent Hvatningaverðlaun ADHD samtakanna og voru KFUM/K þess heiðurs aðnjótandi. Hvatningarverðlaunin eru árlegur viðburður og veitt hverjum þeim sem með mikilsverðum hætti hefur lagt sitt af mörkum til bæta lífsgæði fólks með ADHD á Íslandi. Verðlaunin má veita til einstaklinga, félagasamtaka, stofnanna, fyrirtækja eða hverskyns lögaðila. Ólöf Birna Sveinsdóttir, Ásgeir Pétursson og Styrmir Magnússon veittu verðlaununum móttöku fyrir hönd KFUM/K.

Lokað í dag vegna málþings

Skrifstofa ADHD Samtakanna er lokuð í dag á milli 13 og 16 vegna málþings samtakanna á Grand hótel. Hér er hægt að nálgast frétt um efni málþingsins:

ADHD og konur - Opinn spjallfundur á Austurlandi

ADHD og konur - Opinn spjallfundur í Menntaskólanum á Egilsstöðum. 1. nóvember kl. 19:00. Sigrún Jónsdóttir, ADHD markþjálfi, námskeiðahaldari og stjórnarkona í ADHD samtökunum ætlar að koma og fræða okkur um ADHD og konur sem er hennar hugðarefni. Gríðarlegur fjöldi kvenna hefur ekki fengið greiningu á ADHD og er það ein af ástæðunum fyrir því að þær eru einn stærsti hópurinn sem tekst á við kulnun í dag. Hvað er til ráða og hvar á að byrja. Allir eru velkomnir, félagsmenn sem aðrir. Það verður heitt á könnunni og að sjálfsögðu kostar ekkert að taka þátt. Fjölmennum, fræðumst og skiptumst á reynslusögum og skoðunum um líf með ADHD. Hlökkum til að sjá ykkur sem flestar! Skráðu þig á Facebook viðburðinn og fáðu áminningu: https://fb.me/e/5WbQe4eYK Hægt er að ganga í ADHD samtökin á meðfylgjandi síðu: https://www.adhd.is/is/styrkja/gerast-felagsmadur-beintengt ADHD Austurland