Eyþór Ingi er í skemmtilegu spjalli við DV í dag. Hann segir athyglisbrestinn stundum til vandræða en honum fylgi einnig ýmsir kostir.

Umfjöllun um ADHD samtökin var meðal efnis í nýjum þætti sjónvarpsstöðvarinnar N4, "Borgarinn", sem fór í loftið síðastliðinn miðvikudag.

Þann 1. desember næstkomandi tekur gildi breyting á nýja lyfjagreiðsluþátttökukerfinu með aukinni sjálfvirkni til einföldunar, jafnt fyrir lyfjanotendur og lækna.

Meira en fimmti hver einstaklingur glímir við einhvers konar geð- eða taugasjúkdómaröskun, á efri árum, svo sem geðraskanir eða þunglyndi. Þema Alþjóða geðheilbrigðidagsins að þessu sinni er “Geðheilsa á efri árum”.

"Ein megináherslan í starfi Öryrkjabandalags Íslands á að vera samstarf og samningsumleitanir fyrir samfélagið, með áherslu á samræðu milli stjórnvalda, félaga sjúkra og fatlaðra og atvinnulífsins um lausnamiðaðar tillögur," segir m.a. í grein sem Ellen Calmon, framkvæmdastjóri ADHD samtakanna skrifar í Fréttablaðið í dag.

Umfjöllun um ADHD samtökin er meðal efnis í nýjum þætti sjónvarpsstöðvarinnar N4, "Borgarinn", sem fer í loftið klukkan 18:30 í kvöld.

Fréttastofa RÚV greinir frá því að ADHD-teymi á Landspítalanum verði lagt niður að óbreyttu, þar sem fjárveitingar til þess eru alfarið skornar niður í nýju fjárlagafrumvarpi. Í samtali við RÚV segir framkvæmdastjóri geðsviðs Landspítalans brýna þörf fyrir úrræðið.

Minnum á spjallfundinn í kvöld kl. 20:30 miðvikudaginn 2. október fyrir fullorðna. Yfirskrift fundarins er "Áhættuhegðun og hvatvísi". Vilhjálmur Hjálmarsson, leikari og fullorðinn með ADHD leiðir fundinn. Fundurinn verður í húsnæði ADHD samtakanna, Háaleitisbraut 13, 2.hæð. Allir velkomnir, ókeypis aðgangur!

Magnús Jónsson, leikari og tónlistarmaður fékk fyrsta afmælismerkið afhent. Ellen Calmon, framkvæmdastjóri ADHD nældi merkið í Magnús. Líkt og fyrri ár prýðir merkið teikning eftir Hugleik Dagsson.

Bandaríski sálfræðingurinn Michael Yapko heldur athyglisverðan fyrirlestur um þunglyndi, þriðjudaginn 1. október. Fyrirlesturinn ber yfirskriftina „Þunglyndi er smitandi: Félagslegir þættir þunglyndis og mikilvægi þeirra fyrir meðferð og sjálfshjálp“. Fyrirlesturinn er öllum opinn og aðgangur er ókeypis. Hann verður haldinn á Háskólatorgi, Háskóla Íslands, í sal 102 og hefst kl 17:30.