Kvíðameðferðarstöðin auglýsir námskeið þar sem veitt er fræðsla um athyglisbrest á fullorðinsárum og kenndar leiðir til að draga úr hamlandi áhrifum athyglisbrests með bættu skipulagi, athygli, minnistækni, tímastjórnun og bjargráðum við frestunaráráttu. Námskeiðið hefst 5. september og verður á fimmtudagseftirmiðdögum frá 15 til 17. Um er að ræða 7 skipti sem samsvarar 14 tímum alls, sex skipti vikulega og eitt skipti mánuði síðar.

Fræðslunámskeið fyrir foreldra hefjast í september og er skráning hafin hér á vefnum. Námskeið fyrir foreldra 6-12 ára barna verða laugardagana 7. og 14. september og fyrir foreldra 13-16 ára barna verða námskeið haldin laugardagana 21. og 28. september.

ADHD samtökin bjóða félagsmönnum og öðrum upp á athyglisverðan fyrirlestur í Neskirkju 21. ágúst.

ADHD samtökin eru ein þeirra samtaka sem Mýrarboltamenn fyrir Vestan völdu til þátttöku í herferð sem hrundið var af stað í dag. Annars vegar er ætlunin að vekja athygli á málefnum hverra samtaka fyrir sig og hins vegar að leggja samtökunum fjárhagslegt lið. Það gera netnotendur með því að fara inn á

Nítján þátttakendur í Reykjavíkurmaraþoni Íslandsbanka hafa ákveðið að hlaupa í þágu ADHD samtakanna og sett af stað áheitasöfnun. ADHD samtökin eru eitt 74 góðgerðarfélaga sem þátttakendur í Reykjavíkurmaraþoni Íslandsbanka geta hlaupið fyrir í ágúst næstkomandi og um leið vakið athygli á málstaðnum. Þrítugasta Reykjavíkurmaraþonið fer fram laugardaginn 24. ágúst. Áheitasöfnun fer fram á vefnum hlaupastyrkur.is.

Skrifstofa ADHD samtakanna verður lokuð vegna sumarleyfa frá 15. júlí. Við opnum aftur þriðjudaginn 6. ágúst.

Skemmtilegt myndband Margrétar Jochumsdóttur frá afmælishátíð ADHD samtakanna í Guðmundarlundi er komið á vefinn. Njótið vel :)

ADHD samtökin fagna þeirri áherslu sem Kristján Þór Júlíusson, heilbrigðisráðherra hefur lagt á að tryggja geðheilbrigðisþjónustu barna og ungmenna á Norður- og Austurlandi. ADHD samtökin binda vonir við að allir, sem að málinu þurfa að koma, leggist á eitt svo ljúka megi málinu hið fyrsta. Málið var rætt á Alþingi í vikunni.

Tvö ný myndaalbúm eru nú komin á vefinn. Annars vegar eru myndir frá afmælishátíð ADHD samtakanna í Guðmundarlundi í Kópavogi og hins vegar myndir frá afmælishátíðinni að Hömrum ofan Akureyrar.

ADHD samtökin eru eitt 74 góðgerðarfélaga sem þátttakendur í Reykjavíkurmaraþoni Íslandsbanka geta hlaupið fyrir í ágúst næstkomandi. Þrítugasta Reykjavíkurmaraþonið fer fram laugardaginn 24. ágúst og er áheitasöfnun hafin.